اقمولا وبلىسىنىڭ اقكٶل اۋدانىندا سەبيٸنٸڭ ابايسىزدا قازا بولۋىنا سەبەپ بولعان ەيەلگە سوت ٷكٸمٸ شىقتى. ول 1 جىل 6 ايعا باس بوستاندىعىن شەكتەۋ جازاسىنا كەسٸلدٸ, دەپ حابارلايدى ult.kz.
ٸستٸ اقكٶل اۋداندىق سوتى قىلمىستىق كودەكستٸڭ 104-بابىنىڭ 1-بٶلٸگٸمەن, ياعني ابايسىزدا ادام ٶلٸمٸنە ەكەپ سوعۋ دەرەگٸ بويىنشا قاراعان.
سوت مەلٸمەتٸنشە, ەيەل قوناقتا الكوگول ٸشٸپ, كەيٸن ٷيٸنە قايتقان. تٷندە ماس كٷيٸندە سەبيٸن ەمٸزٸپ وتىرىپ ۇيىقتاپ قالعان. تاڭەرتەڭ ويانعاندا بالاسىنىڭ تٸرشٸلٸك بەلگٸسٸ جوق ەكەنٸن بايقاعان.
وقيعا ورنىنا كەلگەن جەدەل جەردەم قىزمەتكەرلەرٸ سەبيدٸڭ تۇنشىعۋدان كٶز جۇمعانىن انىقتاعان.
قىلمىستىق ٸس سوتقا كٸنەنٸ مويىنداۋ تۋرالى پروتسەستٸك كەلٸسٸممەن تٷسكەن. پروكۋرور ەيەلگە باس بوستاندىعىن شەكتەۋ جازاسىن تاعايىنداۋدى سۇراعان.
سوت جازا تاعايىنداۋ كەزٸندە ەيەلدٸڭ جاساعان ٸسٸنە شىن ٶكٸنگەنٸن جەڭٸلدەتەتٸن مەن-جاي رەتٸندە ەسكەردٸ. ال قىلمىس كەزٸندە الكوگولدٸك ماساڭ كٷيدە بولعانى جاۋاپتىلىقتى اۋىرلاتاتىن فاكتور رەتٸندە تانىلدى.
نەتيجەسٸندە ەيەل 1 جىل 6 ايعا باس بوستاندىعىن شەكتەۋ جازاسىنا كەسٸلٸپ, وعان پروباتسييالىق باقىلاۋ بەلگٸلەندٸ.
ٷكٸم ەزٸرگە زاڭدى كٷشٸنە ەنگەن جوق.
