"بٸرىڭعاي ۇلتتىق قوزعالىس" پارتيياسىنىڭ مٷشەلەرٸ ميحايل سااكاشۆيليدٸڭ بوستاندىعىن تالاپ ەتكەن ميتينگٸدە. تبيليسي, 14 قازان 2021 جىل.
گرۋزييانىڭ بۇرىنعى پرەزيدەنتٸ ميحايل سااكاشۆيليدٸڭ مىڭداعان جاقتاسى تبيليسيدەگٸ پارلامەنت عيماراتى ماڭىندا ميتينگ ٶتكٸزدٸ. ولار ساياساتكەردٸ بوساتۋدى, تىم بولماعاندا ونى تٷرمە اۋرۋحاناسىنان ازاماتتىق ەمحاناعا اۋىستىرۋدى تالاپ ەتتٸ, دەپ حابارلايدى ازاتتىق.
اكتسيياعا قاتىسۋشىلار "ميشا! ميشا!" دەپ ۇراندادى. دەمونسترانتتاردىڭ قولىندا #FreeSaakashvilٸ دەگەن جازۋى بار پلاكات بولدى. "ەحو كاۆكازا" سايتىنىڭ حابارلاۋىنشا, پوليتسييا پارلامەنت جانىنداعى رۋستاۆەلي داڭعىلىن جاپقان.
دەرٸگەرلەر مەن ادۆوكاتتاردىڭ ايتۋىنشا, سااكاشۆيليدٸڭ اشتىق ۇستاپ جاتقانىنا 44 كٷن بولعان جەنە جاعدايى مٷشكٸل. ولار سااكاشۆيليگە تەك تەۋەلسٸز دەرٸگەرلەر عانا كٶمەكتەسە الاتىنىن ايتادى, سەبەبٸ تٷرمە اۋرۋحاناسىنىڭ وعان شاماسى جەتپەيدٸ.
ال گرۋزين بيلٸگٸ ەكس-پرەزيدەنتكە قاجەتتٸ كٶمەكتٸڭ بەرٸن كٶرسەتٸپ جاتقانىن ايتادى.
ميحايل سااكاشۆيليدٸڭ ٶزٸ 11 قاراشادا ەۋروپانىڭ ادام قۇقىعى جٶنٸندەگٸ سوتىنا قۇلاق تٷرٸپ, اشتىقتى توقتاتۋعا نيەتٸ بارىن ايتقان. بٸراق ول ەۋەلٸ ٶزٸن ەمدەيتٸن كٶپسالالى كلينيكاعا اۋىستىرۋدى تالاپ ەتكەن.
ميحايل سااكاشۆيلي قىركٷيەكتٸڭ سوڭىندا – جەرگٸلٸكتٸ اتقارۋ ورگانىن سايلاۋ قارساڭىندا ەلٸنە ورالعان. ول ازاماتتاردى سايلاۋعا بارۋعا ٷندەپ, سايلاۋدىڭ ەرتەسٸندە تبيليسي ورتالىعىنا جينالۋعا شاقىرعان. الايدا ساياساتكەر 1 قازاندا قاماۋعا الىنىپ, اشتىق جارييالادى.
8 قاراشادا ميحايل سااكاشۆيليدٸ رۋستاۆي تٷرمەسٸنەن تبيليسيدٸڭ گلداني اۋدانىنداعى تٷرمە اۋرۋحاناسىنا اۋىستىردى. ەرتەسٸندە وپپوزيتسيونەردٸڭ جاقتاستارى مەن ازاماتتىق بەلسەندٸلەر ميتينگ ٶتكٸزٸپ, سااكاشۆيليدٸ جەكە كلينيكاعا اۋىستىرۋدى تالاپ ەتكەن.
10 قاراشادا تبيليسي قالالىق سوتىندا 2007 جىلعى وپپوزيتسييا ميتينگٸسٸن تاراتۋ جەنە "يمەدي" تەلەكومپانيياسىنداعى بٷلٸككە بايلانىستى سوت باستالعان. الايدا قىلمىستىق اتقارۋ قىزمەتٸ سااكاشۆيليدٸ دەنساۋلىعىنا بايلانىستى سوتقا جەتكٸزۋدەن باس تارتقان.
