«استانا» حالىقارالىق قارجى ورتالىعى ينۆەستورعا قاجەت بولاتىن بارلىق قۇرالداردى ۇسىنادى. بۇل تۋرالى بٷگٸن قازاقستان-كاتار جوعارى دەڭگەيدەگٸ بٸرلەسكەن كوميسسيياسىنىڭ 5-وتىرىسىندا ەلٸمٸزدٸڭ ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى قازاقپارات.
«قارجىلىق قىزمەتتەر نارىعىن جانداندىرۋ ٷشٸن كاتارلىق ەرٸپتەستەرٸمە «استانا» حالىقارالىق قارجى ورتالىعىنىڭ مٷمكٸنشٸلٸكتەرٸن پايدالانۋعا كەڭەس بەرەمٸن. احقو ينۆەستورعا قاجەت بولاتىن بارلىق قۇرالداردى ۇسىنادى. احقو زاڭناماسى اعىلشىن قۇقىعىنا نەگٸزدەلگەن جەنە بٸزدٸڭ ەلٸمٸزگە ٶتە قاۋٸپسٸز ينۆەستيتسييا سالۋ ٷشٸن بارلىق جاعدايدى جاسايدى», - دەدٸ مينيستر.
وسى رەتتە رۋسلان دەلەنوۆ كاتار ينۆەستورلارىن قازاقستان ەكونوميكاسىنا ينۆەستيتسييا سالۋعا شاقىردى.
«بٷگٸندە بٸزدٸڭ قاتىناستارىمىزدى تەرەڭدەتە تٷسۋ ەلەمدەگٸ ساۋدا, ساياسي جەنە ٶزگە دە شيەلەنٸستەرگە وراي دٷنيەجٷزٸلٸك ەكونوميكا ٶسٸمٸنٸڭ باياۋلاۋىنا بايلانىستى بۇرىن-سوڭدى بولماعان ٶزەكتٸلٸككە يە», - دەدٸ ول.
وتىرىسقا كاتار مەملەكەتٸنٸڭ ساۋدا جەنە يندۋسترييا مينيسترٸ الي بەن احمەد ەل-كۋۆاري باستاعان كاتارلىق دەلەگاتسييا قاتىستى.
