پارلامەنت مەجٸلٸسٸنٸڭ جالپى وتىرىسىندا ۇلتتىق ەكونوميكا مينيسترٸ رۋسلان دەلەنوۆ 2020 جىلعا ارنالعان ناقتىلانعان ەلەۋمەتتٸك-ەكونوميكالىق دامۋ بولجامىن تانىستىردى, دەپ حابارلايدى قازاقپارات.
بولجامدى ناقتىلاۋىنىن نەگٸزگٸ فاكتورلارى مىنالار: بۇل – 2019 جىلعى جالپى ٸشكٸ ٶنٸم بويىنشا ٶزەكتەندٸرٸلگەن ەسەپتٸك دەرەكتەر, اعىمداعى جىلدىڭ باسىنان بەرگٸ جەدەل دەرەكتەر, مۇناي ٶندٸرۋدٸڭ جوسپارىن تٷزەتۋ, سونداي-اق ەلەمدٸك نارىقتاعى مۇنايدىڭ باعالانۋى.
«ياعني, 2019 جىلعى ٶزەكتەندٸرٸلگەن جالپى ٸشكٸ ٶنٸم كٶلەمٸ 0,9 ترلن تەڭگەگە ارتىپ, 69,5 ترلن تەڭگەنٸ قۇرادى. بۇل اعىمداعى جىلعى بولجامدى ەسەپتەۋ بازاسىن ۇلعايتتى. سونىمەن بٸرگە, بولجامدا ەكونوميكانىڭ ناقتى سەكتورىنداعى, قىزمەت كٶرسەتۋ سالاسىنداعى ٷردٸستەرٸ مەن مۇناي باعاسىنىڭ كونيۋنكتۋراسى ەسكەرٸلدٸ. ەلەمدٸك ەكونوميكا ٶسٸمٸ حالىقارالىق ۇيىمداردىڭ كونسەنسۋس-بولجامى بويىنشا اعىمداعى جىلى مينۋس 5 پايىزدى قۇرايدى, ال 2021 جىلدا ٶسٸم كٷتٸلۋدە», - دەدٸ مينيستر.
ونىڭ سٶزٸنە قاراعاندا, حالىقارالىق ۇيىمدار قازاقستان ەكونوميكاسىنىڭ ناقتى ٶسٸمٸن بيىلعى مينۋس 2,3 پايىزدان مينۋس 2 پايىز ارالىعىندا باعالايدى. كەلەسٸ جىلعا تۇراقتى ٶسٸمدٸ بولجاپ وتىر.
«ەكونوميكا سەكتورلارىنىڭ اعىمداعى ٷردٸستەرٸن ەسكەرە وتىرىپ, بٸزدٸڭ باعالاۋىمىز بويىنشا, 2020 جىلعى ناقتى جالپى ٸشكٸ ٶنٸمنٸڭ ٶسٸمٸ مينۋس 2,1 پايىزدى قۇرايدى. 2020 جىلى نومينالدى جالپى ٸشكٸ ٶنٸم 69,8 ترلن تەڭگە كٶلەمٸندە باعالانۋدا. ول بۇرىن ناقتىلانعان كٶرسەتكٸشتەن 102 ملرد تەڭگەگە جوعارى. بۇل 2019 جىلعى بازالىق كٶرسەتكٸشتەردٸڭ ٶسۋٸمەن بايلانىستى», - دەدٸ ر. دەلەنوۆ.
«مۇنايدىڭ ەسەپتٸك باعاسىن ەسكەرە وتىرىپ, بولجامدىق باعانى 20 دوللاردان 40 دوللارعا دەيٸن ارتتىرۋ ۇسىنىلادى. قاڭتار-قىركٷيەكتە مۇنايدىڭ ورتاشا باعاسى بٸر باررەلگە 42 دوللاردى قۇرادى. ناقتىلانعان جوسپار بويىنشا مۇناي ٶندٸرۋ كٶلەمٸ 85 ملن توننانى قۇرايدى. تاۋارلار ەكسپورتى 45,5 ملرد دوللارعا دەيٸن ارتادى, يمپورت 33,8 ملرد دوللاردى قۇرايدى. وسىلايشا, وڭ ساۋدا تەڭگەرٸمٸ 3,2 ملرد-قا ۇلعايىپ, 11,7 ملرد دوللار كٶلەمٸندە بولجانۋدا», - دەدٸ ۆەدومستۆو باسشىسى.
