رۋمىنييادا كوروناۆيرۋس ينفەكتسيياسىن ەمدەۋگە ارنالعان اۋرۋحانادا ٶرت بولىپ, 10 ادام قازا تاپتى. تاعى بٸرنەشە ناۋقاس قاتتى جاراقات الدى, دەپ حابارلايدى BBC اگەنتتٸگٸ.
تٸلسٸز جاۋ سولتٷستٸك-شىعىستاعى پياترا-نيامتس قالاسىنداعى مەملەكەتتٸك اۋرۋحانانىڭ قارقىندى تەراپييا بٶلٸمٸن جالماعان.
ناۋقاستاردى قۇتقارماق بولعان كەزەكشٸ دەرٸگەردٸڭ دەنەسٸن كٷيٸك شالىپ, اۋىر حەلدە جاتىر.
رۋمىنييا دەنساۋلىق ساقتاۋ مينيسترٸ نەلۋ تەتارۋدىڭ جەرگٸلٸكتٸ باق-قا بەرگەن مەلٸمەتٸ بويىنشا, ٶرتكە «ەلەكتر سىمدارىنىڭ قىسقا تۇيىقتالۋى سەبەپ بولۋى مٷمكٸن».
سونداي-اق مينيستر تەتارۋ كوروناۆيرۋسقا قارسى ەم الىپ جاتقان باسقا ناۋقاستاردى ياسسى قالاسىنداعى باسقا مەكەمەگە اۋىستىراتىنىن اتاپ ٶتتٸ.
جەرگٸلٸكتٸ باق حابارلاۋىنشا, دەنەسٸن قاتتى كٷيٸك شالعان كەزەكشٸ دەرٸگەر ەسكەري ۇشاقپەن ەل استاناسىنا جەتكٸزٸلگەن.
«جاراقات العان باسقا دا مەديتسينا قىزمەتكەرلەرٸ بار» دەپ اتاپ ٶتتٸ تەتارۋ. سونداي-اق ول سەنبٸ كٷنٸ كەشكە اۋرۋحانادا بولعان جاعدايدان كەيٸن پياترا-نيامتسكە بارا جاتقانىن ايتتى.
سەگٸز ناۋقاس ەكٸنشٸ قاباتتاعى ٶرت پايدا بولعان بٶلٸمشەدە مەرت بولعان, ال ەكەۋٸ جانىنداعى پالاتادا كٶز جۇمدى. بارلىعى كوروناۆيرۋستان ەم الىپ جاتقان. پالاتاداعىلاردىڭ كٶبٸ ٶكپەنٸ جاساندى جەلدەتۋ قۇرىلعىسىنا قوسىلعان.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, ناۋقاستاردى ينتۋباتسييالاۋعا پايدالانىلاتىن وتتەگٸ تٷسكەننەن كەيٸن قىزىل جالىن تەز تاراپ كەتكەن دەگەن بولجام بار.
پاندەمييا باستالعالى رۋمىنييادا 350 000 كوروناۆيرۋس جۇقتىرۋ وقيعاسى تٸركەلدٸ, 8813 ادام كٶز جۇمدى. جۇما كٷنٸ ەلدە 9 489 ادامنىڭ كوروناۆيرۋسقا شالدىققانى بەلگٸلٸ بوپ, 174 ادام ٶمٸردەن ٶتتٸ. 1 149 ناۋقاس قارقىندى تەراپييا بٶلٸمشەلەرٸندە ەم الىپ جاتىر.
