قازاقستان بويىنشا "رۋحاني جاڭعىرۋ" باعدارلاماسى زامان تالابىنا ساي ٶزگەرتٸلەتٸن بولدى. بۇل تۋرالى قازاقستان اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ مەلٸمدەدٸ, - دeپ حابارلايدى «ۇلت» پورتالى.
ونىڭ ايتۋىنشا, رۋحاني جاڭعىرۋ – سانانى جاڭعىرتۋ, ال ول ٷشٸن سانامىزداعى پايداسىز قاعيداتتار مەن قاجەتسٸز ەدەتتەردەن, تٸل مەن دٸلدٸڭ قادٸرسٸزدٸگٸنەن ارىلۋ قاجەت. ونى ورىنداماعان جاعدايدا ٶركەنيەتٸ دامىعان ەلدەردٸڭ اراسىندا بولۋىمىز ەكٸ تالاي.
«سوندىقتان بٷگٸنگٸ تاڭدا اقپارات جەنە قوعامدىق دامۋ مينيسترلٸگٸنٸڭ الدىندا «رۋحاني جاڭعىرۋ» باعدارلاماسىن جاڭا جاعدايعا بەيٸمدەيتٸن بٸرقاتار مٸندەت تۇر», - دەدٸ تٸلەپوۆ.
ونىڭ ايتۋىنشا, بٸرنەشە ارنايى جوبانىڭ نوبايى ەزٸرلەندٸ. ول ۇلتتىق ەرەكشەلٸكتٸ ساقتاۋ وتىرىپ ەزٸرلەنەتٸن بولادى. سوعان سەيكەس, قازاقستاندىقتار دا قازٸرگٸ زاماننىڭ سىنىنا تٶتەپ بەرە الاتىنداي بولۋى كەرەك. مينيسترلٸك ٶكٸلٸ باعدارلاما اياسىندا وسى باعىتتا, جەكە كەسٸبي قابٸلەتتٸ دامىتۋعا باعىتتالعان ٸس-شارالارعا باسىمدىق بەرٸلەتٸنٸن حابارلادى.
قازٸردٸڭ ٶزٸندە مينيسترلٸك جوبانىڭ بٸرقاتار نۇسقاسىن ەزٸرلەدٸ. بارلىعى جاستاردىڭ بولاشاعى, كەسٸبي جاعىنان دامۋىنا باعىتتالعان. ەڭ الدىمەن دەستٷردٸ ناسيحاتتاۋعا ارنالعان «دەستٷر مەن عۇرىپ» جوباسى. ال «قۇقىقتىق مەدەنيەت» جوباسى اياسىندا ەلدٸڭ قۇقىقتىق مەدەنيەتٸن دامىتۋعا ارنالعان ٸس-شارالار توپتاماسى ٸسكە اسىرىلادى. تاعى بٸر جوبا - «ەڭبەك ەلدٸڭ مۇراتى», ونىڭ اياسىندا اتقارىلاتىن جۇمىستار اتاۋىنان ەلدەقايدا اۋقىمدى بولعالى تۇر. مىسالى, بۇل جوبا اياسىنا جاستاردىڭ مٸنەز-قۇلقىن قالىپتاستىرۋ, دەنساۋلىققا قاتىستى سالاۋاتتى ٶمٸر سالتى مەدەنيەتٸ مەن ەستەتيكالىق تالعامعا باۋلۋ كٸرەدٸ.
ايتا كەتەيٸك, 2020 جىلى مەملەكەت باسشىسى مەكتەپتەر مەن جوعارى وقۋ ورىندارىنا قوعامنىڭ ەكولوگييالىق ساۋاتىن اشۋ جەنە ەكومەدەنيەتٸن كٶتەرۋ مەسەلەسٸن قوسۋدى ايتىپ كەلەدٸ. وسى باعدارلاما اياسىندا جاڭا جوبالاردا وسى مەسەلەلەر بوي كٶرسەتەتٸن بولادى.
سونىمەن قاتار «كٸتاپسٷيەر ۇلت» ۇرانىن پايدالانىپ, باعدارلاما اياسىندا مەكتەپ وقۋشىلارىن, بالالاردى كٸتاپ وقۋعا باۋلۋ بويىنشا جۇمىستار جٷرگٸزٸلەدٸ.
ايتا كەتەيٸك, قازاقستاندا «رۋحاني جاڭعىرۋ» باعدارلاماسىنا جۇمسالاتىن شىعىنداردى قىسقارتۋ جوسپارلانىپ وتىر. 2017 جىلى ەلباسى نۇرسۇلتان نازارباەۆ ۇسىنعان باعدارلامانىڭ ٸسكە قوسىلۋىنىڭ باسىندا رەسپۋبليكالىق بيۋدجەتتەن 4,2ميلليارد تەڭگە (12,5 ميلليون دوللار) بٶلٸندٸ.
باعدارلامانى جٷزەگە اسىرۋعا جاۋاپ بەرەتٸن مينيسترلٸكتەر ٶزٸنە قاجەتتٸ سوممانى الدى, سونىڭ ٸشٸندە قازاقستاننىڭ اقپارات جەنە قوعامدىق دامۋ مينيسترلٸگٸنە ٶتكەن جىلى 531ميلليون تەڭگە بٶلٸندٸ. ال 2020 جىلى شىعىندار ەكٸ ەسە ازايدى. سەبەبٸ قازٸر كارانتينگە بايلانىستى ٸس-شارانىڭ باسىم بٶلٸگٸ ونلاين فورماتقا اۋىستى, سوعان سەيكەس قارجىلاندىرۋ دا ەكٸ ەسە قىسقاردى.
ەندٸ اقپارات جەنە قوعامدىق دامۋ مينيسترلٸگٸ ەكٸ باعىت بويىنشا جۇمىس ٸستەيتٸن بولادى. ونىڭ بٸرٸ – اقپاراتتىق جۇمىس. ەكٸنشٸسٸ - وسى باعدارلامانى عىلىمي-ەدٸستەمەلٸك سٷيەمەلدەۋدٸ قامتاماسىز ەتەتٸن قازاقستاندىق قوعامدىق دامۋ ينستيتۋتىنىڭ قىزمەتٸن قامتاماسىز ەتۋ.
ايتا كەتەيٸك, 2020 جىلى باعدارلامانى ٸسكە اسىرۋ ٷشٸن اقپارات مينيسترلٸگٸنە 277 ميلليون تەڭگە بٶلٸندٸ.
