تانىمال ەنشٸ روزا ەلقوجا سوڭعى كٷندەرٸ دٸني فاناتتاردىڭ تاراپىنان سوققىعا تاپ بولعانىن جەتكٸزدٸ, دەپ حابارلايدى ult.kz Alash.KZ سايتىنا سٸلتەمە جاساپ.
وعان سەبەپ — توي ٷستٸندە «ەۋەن تىڭداۋ كٷنە» دەپ مەلٸمدەمە جاساعان ازاماتتىڭ تەمٸر تورعا قامالۋىنا ەنشٸنٸڭ تٸكەلەي قاتىسى بار دەگەن ايىپتاۋلار ەدٸ.
ايتا كەتۋ كەرەك, تٷركٸستان ٶڭٸرٸندەگٸ سالتاناتتى جيىنداردىڭ بٸرٸندە ورىن العان وقيعا حالىق اراسىندا قىزۋ پٸكٸرتالاس تۋدىردى. نەتيجەسٸندە, تويدا زاڭسىز ناسيحات جٷرگٸزگەن ەر ادام قۇقىق قورعاۋ ورگاندارى تاراپىنان تۇتقىندالدى. وسى جاعدايدان كەيٸن ەنشٸنٸ كٸنەلاپ, كٷيە جاققىسى كەلەتٸندەردٸڭ قاتارى كٷرت ٶسكەن.
«كەشەدەن بەرٸ وسى مەسەلە تٶڭٸرەگٸندە ەرەگٸسٸپ جاتىرمىز. بٸز دە يماننان ماقۇرىم ەمەسپٸز, جاراتۋشىدان قورقاتىن, اللاعا شٷكٸرشٸلٸك ەتەتٸن جاندارمىز. مەنٸڭ تۋعان باۋىرلارىمنىڭ بارلىعى — بەس ۋاقىت قۇلشىلىعىن قازا قىلمايتىن ازاماتتار. بٸراق سوعان قاراماستان, ەسٸرە دٸنشٸل قاۋىم بٸزگە قارسى مايدان اشىپ الدى», — دەپ اعىنان جارىلدى ەنشٸ.
روزا ەلقوجانىڭ سٶزٸنە سٷيەنسەك, قازٸرگٸ ۋاقىتتا وعان «قوجا ەۋلەتٸنەن شىعا تۇرا, ٶز دٸندەسٸڭە قارسى شىقتىڭ» دەگەن ايىپ تاعاتىندار كٶبەيگەن.
«تەك قوجالار عانا ەمەس, بٸزدٸڭ بارلىعىمىز — ەلٸمساقتان بەرٸ يسلامدى ۇستاناتىن مۇسىلمانبىز. ەرينە, بۇل دٸني جولدى بەرٸك ۇستانىپ, تاقۋالىق دەڭگەيگە جەتكەندەر دە, بٸز سيياقتى وعان شاماسى جەتپەي جٷرگەندەر دە بار. كٸمنٸڭ شىنايى اداسىپ, كٸمنٸڭ تۋرا جولدا ەكەنٸن تەك بٸر اللا عانا كٶرەدٸ. ادام بالاسى بولىپ جاراتىلعان سوڭ, جاراتقان يەمٸز بەرٸمٸزگە شىنايى قۇلشىلىق ەتۋدٸ جازسىن. ال بۇل بولعان جاعداي — زاڭ مەن قوعامىمىزدىڭ ٶز ٷكٸمٸ. مەملەكەتتٸڭ زاڭى بەرٸنە ورتاق. ول ادام دٸندٸ قۇبىجىق ەتٸپ كٶرسەتٸپ, ٶز سٶزٸنەن ٶزٸ شاتىلدى. مۇنىڭ بەرٸ — اللانىڭ بۇيرىعىمەن بولعان دٷنيە», — دەپ تٷيٸندەدٸ ٶز ويىن ەنشٸ.
