رەسەيلٸك روساتوم مەملەكەتتٸك كورپوراتسيياسى 8 تامىزدا ارحانگەلسك وبلىسىنداعى ەسكەري پوليگوننىڭ سىناق الاڭىندا بەس قىزمەتكەردٸڭ قازا تاپقانىن راستادى. سۇيىق رەاكتيۆتٸ دۆيگاتەل قۇرىلعىسىن سىناقتان ٶتكٸزۋ كەزٸندە جارىلىس بولعان.
"تاعى ٷش ەرٸپتەسٸمٸز جارالانىپ, تٷرلٸ دەرەجەدە جاراقات الدى" دەلٸنگەن تاسس اگەنتتٸگٸ جارييالاعان كومپانييانىڭ مەلٸمدەمەسٸندە.
رەسەيدٸڭ قورعانىس مينيسترلٸگٸ وقيعا ايماقتاعى رادياتسييا دەڭگەيٸنە ەسەر ەتپەدٸ, اۋاعا زيياندى زاتتاردىڭ تارالعانى بايقالمادى دەپ مەلٸمدەدٸ. الايدا پوليگوننان شامامەن 30 شاقىرىم جەردە ورنالاسقان كٶرشٸ سەۆەرودۆينسكٸ قالاسىندا جارىلىستان سوڭ رادياتسييا دەڭگەيٸنٸڭ بەلگٸلٸ بٸر ۋاقىت ارالىعىندا "قاتتى جوعارىلاعانى" بايقالعان. تٶتەنشە جاعداي مينيسترلٸگٸ دەرەگٸنە سٷيەنگەن Greenpeace-تٸڭ حابارلاۋىنشا, رادياتسييا دەڭگەيٸ قالىپتى مٶلشەردەن 20 ەسە ارتىق بولعان.
جۇما, 9 تامىزدا "روسپوترەبنادزور" قىزمەتٸنٸڭ ارحانگەلسك وبلىستىق باسقارماسى وقيعادان سوڭ سەۆەرودۆينسكٸ پوليگونىنداعى توپىراق, سۋ, اۋا قۇرامى زەرتتەلگەنٸن حابارلاپ, رادياتسييانىڭ قالىپتى دەڭگەيدە ەكەنٸن ايتقان.
ال اق تەڭٸزدٸڭ بەلگٸلٸ بٸر بٶلٸگٸندە كەمەلەر ۋاقىتشا توقتاعان. رەسمي ورگاندار مۇنىڭ وقيعاعا قاتىسى جوعىن ايتادى.
باتىس دەرەككٶزدەرٸنٸڭ حابارلاۋىنشا, اق تەڭٸز جاعالاۋىندا ارحانگەلسك وبلىسى نيونوكس اۋىلى ماڭىندا 8 تامىزدا رەاكتيۆتٸ دۆيگاتەل جارىلعان سوڭ سۇيىق راديواكتيۆتٸ قالدىقتاردى جيناپ, ساقتايتىن "سەرەبريانكا" تەپلوحودى بايقالعان.
Lenta.ru جازۋىنشا, بۇل پوليگوندا مۇنداي تٶتەنشە وقيعا العاش رەت بولىپ وتىرعان جوق. 2015 جىلى جەلتوقسان ايىندا نيونوكس تٷبٸندە سىناق كەزٸندە كەنەتتەن قاناتتى زىمىراننىڭ بٸر بٶلٸگٸ ۇشىپ كەتٸپ, ٷش قاباتتى تۇرعىن ٷيگە تٷسكەن. تۇرعىن ٷيدٸڭ شاتىرى مەن تٶرت پەتەر بٷلٸنگەن. زارداپ شەككەندەر بولماعان.
