حالىقارالىق ينكليۋزيۆتٸ لاگەر جۇمىسىن باستاپ كەتتٸ. ال نەگٸزگٸ اشىق ٸس-شارالار – مٷمكٸندٸگٸ شەكتەۋلٸ جەنە مٷمكٸندٸگٸ شەكتەۋلٸ ەمەس ادامدار ٶتكٸزەتٸن شەبەرلٸك ساباقتارى ۇيىمداستىرىلاتىن ەكسترابيليتي كٷندەرٸ بالقاش قالاسىندا, ٷلكەن اۋىلىندا جەنە الماتى قالاسىندا ٶتەدٸ, دەپ حابارلايدى Ult.kz.
2026 جىلعى 6 قىركٷيەكتە قازاقستانداعى بالقاش كٶلٸندە حالىقارالىق «رۋح جەلكەندەرٸ» جوباسىنىڭ كەزەكتٸ كەزەڭٸ باستالدى. جوبانى «بەلايا تروست» اۆتونومدى كوممەرتسييالىق ەمەس ۇيىمى «روساتوم» مەملەكەتتٸك كورپوراتسيياسىنىڭ قولداۋىمەن جٷزەگە اسىرىپ جاتىر. قازاقستانداعى كەزەڭگە رەسەي, قازاقستان, قىرعىزستان, تٷركييا جەنە ٶزبەكستان ٶكٸلدەرٸ, ونىڭ ٸشٸندە كٶرۋ قابٸلەتٸ بۇزىلعان ادامدار, ناشار ەستيتٸندەر, ەرٸكتٸلەر مەن ۇيىمداستىرۋشىلار قاتىسۋدا.
كەزەڭ اياسىنداعى اشىق ٸس-شارالار 10 قىركٷيەكتە بالقاش كٶلٸندە جەنە 15 قىركٷيەكتە ٷلكەن اۋىلىندا ٶتتٸ. وندا سپورت, ٶنەر جەنە ادام مٷمكٸندٸكتەرٸن دەرٸپتەيتٸن ينكليۋزيۆتٸ مەرەكە – ەكسترابيليتي كٷندەرٸ ۇيىمداستىرىلدى.
ٸس-شارالار بارىسىندا «رۋح جەلكەندەرٸ» جوباسىنىڭ ەرتٷرلٸ فيزيكالىق مٷمكٸندٸكتەرٸ بار قازاقستان, قىرعىزستان, رەسەي, ٶزبەكستان جەنە تٷركييادان كەلگەن مۋزىكانتتار, ۆوكاليستەر مەن بيشٸلەر ٶنەر كٶرسەتتٸ. باعدارلامادا فولكلورلىق جەنە زاماناۋي قويىلىمدار, سونداي-اق ىمداۋ تٸلٸندەگٸ ەندەر ۇسىنىلدى.
ەكسترابيليتي كٷندەرٸنٸڭ باعدارلاماسىندا تەجٸريبەلٸ نۇسقاۋشىلار ٶتكٸزگەن جەلكەندٸ سپورت پەن ەسكەك ەسۋدەن ينكليۋزيۆتٸ شەبەرلٸك ساباقتارىنا ەرەكشە ورىن بەرٸلدٸ. مٷمكٸندٸگٸ شەكتەۋلٸ جاندار مەن بارلىق قوناقتار جەلكەندٸ قايىقتى باسقارۋدىڭ نەگٸزگٸ تەسٸلدەرٸن مەڭگەرٸپ, جۇپپەن ەسكەك ەسۋ تەحنيكاسىن ٷيرەندٸ. سونىمەن قاتار «رۋح جەلكەندەرٸ» جوباسىنىڭ قاتىسۋشىلارىمەن تانىسىپ, ولاردىڭ ٶتكٸزگەن ينكليۋزيۆتٸ شەبەرلٸك ساباقتارىنا قاتىسىپ, سۋداعى جەنە ٶمٸردەگٸ جاڭالىقتارى تۋرالى ەڭگٸمەلەرٸن تىڭدادى.
قازاقستانداعى جوبا كەزەڭٸ 16–17 قىركٷيەكتە الماتىدا مٷمكٸندٸگٸ شەكتەۋلٸ ادامداردى قولدايتىن ۇيىمداردىڭ قاتىسۋىمەن ٶتكەن سەمينارمەن اياقتالدى.
«جوباعا ٶتە كٶپ بەلسەندٸ جاستار جينالدى. كٶشپەلٸ مەدەنيەت ٶكٸلٸ بولساق تا, بولماساق تا, بٸر-بٸرٸمٸزبەن قارىم-قاتىناس جاساۋ جەنە دەستٷرلەرٸمٸزدٸ زەرتتەۋ ارقىلى ٶزارا تەجٸريبە الماسىپ, بٸر-بٸرٸمٸزدٸ بايىتا الامىز. مەندە بٸر ارمان پايدا بولدى: قىرعىزستاندا جوباداعى باسقا جٸگٸتتەرمەن بٸرگە پاراۆەلوسپورتتان جارىس ٶتكٸزگٸم كەلەدٸ. بۇل «رۋح جەلكەندەرٸ» جوباسىنىڭ تەك جەلكەندٸ سپورتتى عانا ەمەس, باسقا دا سپورت تٷرلەرٸن دامىتۋعا ىقپال ەتەتٸنٸن كٶرسەتەدٸ. سەبەبٸ مۇندا ەردايىم شابىت بەرەتٸن ەرەكشە ورتا قالىپتاسقان. ادامدى كٷتپەگەن جەردەن جٸگەرلەندٸرٸپ, جاڭا ٸسكە ىنتالاندىراتىن دٷنيەلەر كٶپ. ۇيىمداستىرۋشىلارعا العىس ايتقىم كەلەدٸ. «رۋح جەلكەندەرٸ» جوباسىنىڭ بار ەكەنٸنە قۋانىشتىمىن. ەڭ قىزىعى – بارلىعىمىزدى بٸرٸكتٸرەتٸن قۋاتتى ەنەرگييا», – دەدٸ كٶرۋ قابٸلەتٸ بۇزىلعان جوبا قاتىسۋشىسى, قازاقستان رەسپۋبليكاسىنداعى حالىقتىڭ ەلەۋمەتتٸك وسال ساناتتارىنىڭ قۇقىقتارى جٶنٸندەگٸ ۋەكٸل كەنجەگٷل سەيتجان.
«قازاقستاندا اتوم ەلەكتر ستانتسيياسىن سالۋ جوباسى اتوم ەنەرگەتيكاسى سالاسىنداعى ۇزاق مەرزٸمدٸ ىنتىماقتاستىقتىڭ جاڭا كەزەڭٸنە جول اشادى. «روساتوم» ٷشٸن بۇل ىنتىماقتاستىقتىڭ تەحنولوگييالىق باعىتتارمەن عانا شەكتەلمەي, ەلەۋمەتتٸك باستامالاردى دا قامتۋى ماڭىزدى. بٸز قولدايتىن باستامالاردىڭ بٸرٸ – حالىقارالىق «رۋح جەلكەندەرٸ» جوباسى. ول ادامدارعا تەڭ مٷمكٸندٸكتەر قالىپتاستىرىپ, ەرتٷرلٸ ەلدەردٸڭ ٶكٸلدەرٸن بٸرٸكتٸرەدٸ جەنە قاتىسۋشىلارعا ٶز ەلەۋەتٸن اشۋعا مٷمكٸندٸك بەرەدٸ», – دەدٸ «روساتوم ورتالىق ازييا» ٶڭٸرلٸك ورتالىعىنىڭ باسشىسى الەكسەي درەمۋچەۆ.
انىقتاما
«رۋح جەلكەندەرٸ» – مٷمكٸندٸگٸ شەكتەۋلٸ جەنە شەكتەۋسٸز ادامدار بٸرگە جەلكەندٸ ەكسپەديتسييالارعا, سپورتتىق جەنە شىعارماشىلىق باعدارلامالارعا قاتىسىپ, ارالاس كوماندالاردا جۇمىس ٸستەۋدٸ ٷيرەنەتٸن حالىقارالىق جوبا. قاتىسۋشىلار ەلدەرٸنە ورالعاننان كەيٸن ٶز باستامالارىن جٷزەگە اسىرادى.
2011 جىلدان بەرٸ جوبا بٸر عانا ەكسپەديتسييادان اۋقىمدى حالىقارالىق قوزعالىسقا دەيٸنگٸ جولدان ٶتتٸ. 2016 جىلدان باستاپ جوبا «روساتوم» مەملەكەتتٸك كورپوراتسيياسىنىڭ قولداۋىمەن دامىپ كەلەدٸ.
وسى ۋاقىت ٸشٸندە جوبا قاتىسۋشىلارى 16 ەلدە بولىپ, 5 حالىقارالىق مارشرۋت, جەلكەندٸ جەنە ەسكەك ەسۋ سپورتىنان 46 رەگاتا مەن جارىس, 50 ەكسترابيليتي كٷنٸ جەنە 47 قالادا 7 ينكليۋزيۆتٸ لاگەر ٶتكٸزدٸ. 2026 جىلى جوبانىڭ مەرەيتويلىق ماۋسىمى قىرعىزستان, قازاقستان جەنە تٷركييادا ٶتەدٸ.
قازاقستان ورتالىق ازيياداعى جوبانىڭ ماڭىزدى دامۋ نٷكتەسٸنە اينالىپ, قىركٷيەك ايىنىڭ باسىندا قىرعىزستاندا باستالعان ٸس-شارالاردىڭ جالعاسىن قابىلدادى. قىرعىزستانداعى باعدارلاما دٷنيەجٷزٸلٸك كٶشپەندٸلەر ويىندارى اياسىندا جوبا قاتىسۋشىلارى ٶتكٸزگەن ينكليۋزيۆتٸ شەبەرلٸك ساباقتارىن قامتىدى.
2025 جىلى بالقاش كٶلٸندە مٷمكٸندٸگٸ شەكتەۋلٸ ادامدارعا ارنالعان جەلكەندٸ لاگەر مەن قازاقستانداعى ەكسترابيليتي كٷندەرٸ مۇنداي فورماتتىڭ مٷمكٸندٸگٸ شەكتەۋلٸ جاندارعا دا, ەرٸكتٸلەرگە دە, قوعامدىق ۇيىمدار مەن جەرگٸلٸكتٸ سەرٸكتەستەرگە دە قاجەت ەكەنٸن كٶرسەتتٸ.
2026 جىلى جوبا كومانداسى جاڭا كەزەڭدٸ ٶتكٸزۋمەن قاتار, ٶڭٸردەگٸ ينكليۋزيۆتٸ باستامالاردى دامىتۋعا اتسالىسۋعا دايىن قاتىسۋشىلار, ەرٸكتٸلەر مەن ۇيىمداردىڭ قاتارىن كەڭەيتۋدٸ جوسپارلاپ وتىر.
