پرەمەر-مينيستردٸڭ ورىنباسارى رومان سكليار ەلٸمٸزدەگٸ اسىل تۇقىمدى مال شارۋاشىلىعىن قولداۋعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«اسىل تۇقىمدى مال شارۋاشىلىعىن قولداۋ جەڭٸلدەتٸلگەن شارتتارمەن كرەديت بەرۋ تەتٸكتەرٸ ارقىلى دا, سۋبسيدييالاۋ ارقىلى دا جٷزەگە اسىرىلادى. اتاپ ايتقاندا, ساتىپ الىنعان اسىل تۇقىمدى جانۋارلاردىڭ قۇنىن جەنە سەلەكتسييالىق اسىل تۇقىمدىق جۇمىستاردى جٷرگٸزۋگە ارنالعان شىعىنداردى ارزانداتۋدى سۋبسيدييالاۋ قۇرالدارى ارقىلى تٶمەندەتۋ, بۇل رەتتە ساتىپ الىنعان وتاندىق مالدىڭ دا, شەتەلدٸك مالدىڭ دا قۇنى سۋبسيدييالانادى», - دەلٸنگەن ٷكٸمەت باسشىسى ورىنباسارىنىڭ دەپۋتاتتار ساۋالىنا بەرگەن جاۋابىندا.
ونىڭ ايتۋىنشا, تاۋارلىق جەنە اسىل تۇقىمدى مالدىڭ يمپورتى وتباسى ٷلگٸسٸندەگٸ كەڭەيتٸلٸپ كەلە جاتقان شاعىن جەنە ورتا فەرمەرلەر كلاسىن مالمەن قامتاماسىز ەتۋگە ارنالعان.
«شەتەلدٸك سەلەكتسييانىڭ اسىل تۇقىمدى ٸقم اسىل تۇقىمدىق باسىن ەكەلۋدٸ سۋبسيدييالاۋ ەسەبٸنەن بٷگٸنگٸ كٷنٸ اسىل تۇقىمدى مال باسىنىڭ ٷلەسٸ ايتارلىقتاي ارتىپ, ٸقم جالپى باسىنىڭ كٶرسەتكٸشٸ جوعارىدا كٶرسەتٸلگەن 12,5%-دى قۇرادى», - دەدٸ ر. سكليار.
ايتا كەتەيٸك, پرەمەر-مينيستردٸڭ ورىنباسارى ەلٸمٸزدەگٸ اسىل تۇقىمدى مال باسىنىڭ سانىنا قاتىستى تٷسٸنٸك بەردٸ. بٷگٸنگٸ كٷنٸ اسىل تۇقىمدى مالدىڭ ٷلەس سالماعى ٶسۋٸنٸڭ وڭ سەرپٸنٸ ساقتالۋدا. مىسالى, ەگەر 2010 جىلدىڭ 1 قاڭتارىنا شارۋاشىلىقتىڭ بارلىق ساناتتاعى اسىل تۇقىمدى ٸرٸ قارا مالدىڭ سانى 344,1 مىڭ باس بولسا نەمەسە اسىل تۇقىمدى مالدىڭ جالپى مال باسىنا شاققانداعى ٷلەس سالماعى 2,9% قۇراسا, 2021 جىلدىڭ 1 قاڭتارىنا شارۋاشىلىقتىڭ بارلىق ساناتىنداعى اسىل تۇقىمدى ٸقم سانى 978,6 مىڭ باستى قۇرادى نەمەسە اسىل تۇقىمدى مالدىڭ جالپى مال باسىنا شاققانداعى ٷلەس سالماعى 12,5%-عا دەيٸن ٶستٸ. ونىڭ ٸشٸندە نەگٸزگٸ مال باسى قازاقتىڭ اقباس جەنە ەۋليەكٶل تۇقىمدارىنا تيەسٸلٸ.
بۇدان بۇرىن حابارلانعانداي, مەجٸلٸستٸڭ جالپى وتىرىسىندا دەپۋتات امانعالي بەردالين ەلٸمٸزدٸڭ كليمات ەرەكشەلٸگٸنە بەيٸمدەلگەن وتاندىق اسىل تۇقىمدى مال ساپاسىن ارتتىرۋ مەسەلەسٸن كٶتەرٸپ, دەپۋتاتتىق ساۋالىن پرەمەر-مينيسترٸنٸڭ ورىنباسارى رومان سكليارعا جولدادى.
