بەلگٸلٸ ايتىسكەر اقىن رينات زايىتوۆ الماتىداعى «الاتاۋ» دەستٷرلٸ ٶنەر تەاترىنىڭ ديرەكتورى قىزمەتٸنە تاعايىندالعاننان كەيٸن العاش رەت لاۋازىمىنا قاتىستى پٸكٸر بٸلدٸردٸ, – دەپ حابارلايدى «ۇلت اقپارات».
«قادٸرلٸ اعايىن, بٷگٸن الاتاۋ دەستٷرلٸ ٶنەر تەاترىنا قىزمەتكە تاعايىندالدىم. جالعان سٶيلەپ, اقتالۋدان اۋلاقپىن. دەگەنمەن دە قايدا بارىپ, نە ٸستەسەم دە, بارلىعى ەۋەلٸ جاراتۋشى, سونان سوڭ ٶمٸرلٸك تٸلەكشٸم, ساقتاۋشىم, جاناشىرىم دا حالىق بولعاندىقتان, بٸر اۋىز تٷسٸندٸرٸپ ٶتەيٸن. ادام بٸر نەرسەگە قابٸلەتتٸ ەكەنٸن كٶرسەتپەيٸنشە, ەشكٸمگە ەشتەڭەنٸ قۇر سٶزبەن دەلەلدەي المايتىنى ايدان انىق. سوندىقتان ماعان بەرٸلگەن بۇل مٷمكٸندٸك بٸرٸنشٸ كەزەكتە ٶزٸمە سىناق.
ٷش جٷزگە سٶيلەپ جٷرگەن اقىندارىڭىز ەكٸ جٷز ادامدى جۇمىلدىرىپ جۇمىس ٸستەتە الماسا, ونىڭ پايداسى نە? وسى سٶزبەن كەلٸسەتٸن شىعارسىزدار?
ٶمٸردەگٸ ەڭ ٷلكەن تٸلەگٸم ٶز ەلٸمنٸڭ بٸر بۇرىشىندا قازاق ٶنەرٸنە ادال قىزمەت ەتۋ عانا. ونى تالاي جەردە ايتىپ تا جٷردٸم. مٸنە سول تٸلەگٸمنٸڭ العاشقى كٷنٸ بٷگٸن ٶتتٸ. قۇتتىقتاۋ ارتىق. سەتتٸلٸك تٸلەسەڭٸزدەر, العىسىم شەكسٸز. الماتى قالاسىنىڭ مەدەنيەت باسقارماسىنىڭ باسشىلىعىنا سەنٸم بٸلدٸرگەنٸنە كٶپ راحمەت. ەزٸرگە وسىلاي…» دەپ جازدى ايتىسكەر اقىن Instagram جەلٸسٸندەگٸ پاراقشاسىندا.
