2021 جىلعى 11 مامىردا 18 ساعات 20 مينۋتتا ريددەر قالاسىنداعى ورمان ٶرتٸ 287,4 گا الاڭدا اۋىزدىقتالدى. بۇل تۋرالى قر تجم رەسمي ٶكٸلٸ تالعات ۋەلي حابارلادى, دەپ جازادى Baq.kz اگەنتتٸگٸ.
ٶرت 2021 جىلعى 10 مامىردا شىعىس قازاقستان وبلىسى, ريددەر قالاسىنىڭ ەكٸمشٸلٸك اۋماعىنداعى لەسحوز كەنتٸندە ساعات 13.55-تە ورمانعا جايىلعان ٶرتتەن تۋىنداعان بولاتىن. جەلدٸڭ ەكپٸنٸ 20 م/س-قا دەيٸن جەتٸپ, 5 كٶشەدە 31 ٷي, 5 جەڭٸل اۆتوكٶلٸك جەنە شارۋاشىلىق قۇرىلىستارىنىڭ 7 ۋچاسكەسٸندە, سونداي-اق تقس ٷي-جايىن وت شارپىعان. ٶرتەنگەن ٷيلەردە 72 ادام تۇرعان. قازٸر 13 ازامات جاتاقحاناعا, قالعاندارى تۋىستارىنىڭ ٷيلەرٸنە ورنالاستىرىلدى. ٶرتتٸ سٶندٸرۋگە 493 جەكە قۇرام, 69 بٸرلٸك تەحنيكا, 2 تٸكۇشاق جۇمىلدىرىلدى. قازٸرگٸ ۋاقىتتا ريددەر قالاسىنا قاراستى لەسحوز كەنتٸ تۇرعىن ٷيلەرٸندەگٸ ٶرت تولىعىمەن سٶندٸرٸلدٸ. 11 مامىردا "قازاۆياورمانقورعاۋ" تٸكۇشاعىمەن ەۋەدەن بارلاۋ جاسالدى. ۇشۋ نەتيجەلەرٸ بويىنشا ٶرتتٸڭ جالپى اۋدانى – 287,4 گا, ونىڭ 272,4 گا – ورمان ايماعى انىقتالدى. قۇرامىندا 138 ادام جەنە 5 ورمان شارۋاشىلىعى تەحنيكاسى بار قاراۋىلداۋ جٷرگٸزٸلەدٸ - دەيدٸ رەسمي ٶكٸل.
ريددەر قالاسى ەكٸمٸنٸڭ قاۋلىسىمەن جەرگٸلٸكتٸ اۋقىمداعى تٶتەنشە جاعداي جارييالاندى. ماتەريالدىق شىعىندى انىقتاۋ ماقساتىندا قالالىق ەكٸمدٸكتٸڭ زارداپ شەككەن تۇرعىن ٷي نىساندارىن تەكسەرۋ جٶنٸندەگٸ كوميسسيياسىنىڭ جۇمىسى ۇيىمداستىرىلدى.
شقو پوليتسييا دەپارتامەنتٸنٸڭ كٷشٸمەن توناۋ فاكتٸلەرٸنٸڭ جولىن كەسۋ ماقساتىندا ٶرت بولعان جەردە تۇرعىن ٷيلەردە كەزەكشٸلٸك ۇيىمداستىرىلدى. شقو تجد داعدارىس ورتالىعىندا جەنە ٶرت بولعان جەردە شتابتار اشىلىپ, 8(7232) 55-38-19 نٶمٸرٸ بويىنشا زارداپ شەككەندەر ٷشٸن جەدەل بايلانىس جەلٸسٸ جۇمىسىن جالعاستىرۋدا. شقو تجد جەدەل-قۇتقارۋ جاساعىنىڭ پسيحولوگتارى مەن دەرٸگەرلەرٸ ٶرت كەزٸندە زارداپ شەككەن ازاماتتارعا كٶمەك كٶرسەتەدٸ.
حالىققا كٶمەك كٶرسەتۋ مەسەلەسٸ شىعىس قازاقستان وبلىسى ەكٸمٸنٸڭ تۇراقتى باقىلاۋىندا.
