27 ماۋسىم كٷنٸ ريددەر قالالىق سوتىندا جاسٶسپٸرٸمدٸ كٶلٸگٸمەن قاعىپ ٶلتٸرگەن ريددەر ەكٸمٸنٸڭ بۇرىنعى ورىنباسارى باۋىرجان قۇرمانباەۆتىڭ ٸسٸنە قاتىستى سوت وتىرىسى جالعاستى, دەپ حابارلايدى "ۇلت اقپارات" اltaynews.kz سايتىنا سٸلتەمە جاساپ.
جارىسسٶزدە پروكۋراتۋرا تارابى ەكس-شەنەۋنٸكتٸ بەس جىلعا باس بوستاندىعىنان ايىرۋدى سۇرادى. سەبەبٸ, ايىپتالۋشى قۇرمانباەۆ مەملەكەتتٸك قىزمەتكەر بولىپ تابىلادى. زاڭ جٷزٸندە پروكۋرور سۇراتقان بەس جىل - وسى قىلمىس بويىنشا جازا مٶلشەرٸنٸڭ ەڭ جوعارعى شەگٸ.
26 ماۋسىم كٷنٸ ٶتكەن سوت بارىسىندا كٷدٸكتٸ قازا بولعان جٸگٸتتٸڭ ەكە-شەشەسٸنەن كەشٸرٸم سۇراپ, بارلىق ارتىلىپ وتىرعان كٸنەنٸ مويىنداعان ەدٸ. ەكس-شەنەۋنٸك سول كٷنٸ رۋلدە ماس كٷيٸندە بولعانىن دا راستادى.
ەستەرٸڭٸزگە سالا كەتسەك, بيىلعى 15 سەۋٸردە ريددەردەگٸ ايدارحانوۆ كٶشەسٸ, 8-ٷيدٸڭ تۇسىندا قالا ەكٸمٸنٸڭ ورىنباسارى باۋىرجان قۇرمانباەۆ 19 جاستاعى ەۆگەنيي سمولنيكوۆتى جەكە كٶلٸگٸمەن قاعىپ ٶلتٸرگەن بولاتىن. تەرگەۋ انىقتاعانداي, جول اپاتى كەزٸندە كٶلٸكتٸڭ جىلدامدىعى ساعاتىنا 88 شاقىرىم بولعان. ال ونىڭ قانىنان 0,8 پروميللە مٶلشەرٸندە الكوگول انىقتالدى. پروكۋراتۋرا لاۋازىمدى تۇلعانى ٶز ەرەكەتٸمەن مەملەكەتتٸك ورگانداردىڭ, بيلٸكتٸڭ بەدەلٸنە نۇقسان كەلتٸردٸ دەپ سانايدى.
كٷدٸكتٸنٸڭ ايتۋىنشا, قاراڭعى مەزگٸلدە قاراما-قارسى كەلە جاتقان ماشينانىڭ جارىعى كٶزٸنە شاعىلىسىپ, ول جول جيەگٸن كٶرمەي قالعان. سوققىنى سەزگەننەن كەيٸن بارىپ تەجەگٸشكە باسقان. بەلگٸلٸ بولعانداي, بمۆ ح5 كٶلٸگٸن قۇرمانباەۆ وقيعادان ەكٸ اپتا بۇرىن عانا ساتىپ العان.
بۇعان دەيٸن قازا بولعان جٸگٸتتٸڭ ەكەسٸ ۆيكتور سمولنيكوۆ بالاسىنىڭ ٶلٸمٸنە كٸنەلٸ شەنەۋنٸكتٸ كەشٸرەتٸنٸن ايتىپ, سوتتان ونى باس بوستاندىعىنان ايىرماۋدى سۇراعان ەدٸ. ال ايىپتالۋشى تاراپتىڭ قورعاۋشىسى باۋىرجان قۇرمانباەۆتىڭ 20 جىلدان استام ۋاقىت مەملەكەتتٸك قىزمەت اتقارعانىن, سونداي-اق قاتاڭ جازا تاعايىنداعان جاعدايدا بٸر وتباسىنىڭ قايعىسى ەكٸنشٸ وتباسىنىڭ قايعىسىنا ۇلاساتىنىن العا تارتتى. سونىمەن قاتار, ايىپتالۋشىنىڭ ەكەسٸ ٶكپەنٸڭ قاتەرلٸ ٸسٸگٸمەن اۋىراتىنىن دا ايتىپ, باس بوستاندىعىنان ايىرماۋدى سۇرادى. سوت وتىرىسىنا قۇرمانباەۆتىڭ جۇبايى دا قاتىسىپ, كەشٸرٸم بەرگەن سمولنيكوۆتار وتباسىنا العىسىن بٸلدٸرٸپ ٶتتٸ. ايتا كەتسەك, قۇرمانباەۆتىڭ 16 جاستاعى قىزى مەن 7 جاستاعى ۇلى بار.
سوت ٷكٸمٸ بٷگٸن, 28 ماۋسىم كٷنٸ تاڭەرتەڭ شىعارىلدى. سوت باۋىرجان قۇرمانباەۆقا بٸر جىل مەرزٸمگە باس بوستاندىعىنان ايىرۋ جازاسىن تاعايىندادى. سونداي-اق, ول 158 000 تەڭگە كٶلەمٸندە مەملەكەتتٸك ساراپتامالارعا كەتكەن سوت شىعىندارىن ٶتەيتٸن بولادى. جازا مەرزٸمٸ قاماۋعا الىنعان كٷننەن باستاپ ەسەپتەلەدٸ, ياعني 16 سەۋٸردەن. بۇرىنعى شەنەۋنٸك جازاسىن قاۋٸپسٸزدٸگٸ بارىنشا تٶمەن مەكەمەدە ٶتەيدٸ.
سوت ٷكٸم جارييالاعان وتىرىسقا ەۆگەنييدٸڭ ەكەسٸ ۆيكتور سمولنيكوۆ قاتىسپادى. ول عيماراتتىڭ سىرتىندا كٷتٸپ جٷردٸ. باق ٶكٸلدەرٸنە سوت ٷكٸمٸنە قاتىستى پٸكٸر بٸلدٸرۋدەن باس تارتتى.
