فوتو: © Sputnik / الەكساندر كرياجەۆ
پروكۋراتۋرا ريددەر قالاسىنداعى جىلۋ ەنەرگيياسىن تۇتىنۋشىلاردىڭ قۇقىقتارىن قورعادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
بىلتىر قاراشادا ريددەردەگٸ جىلۋ ورتالىعىندا اپات بولىپ, بۇل جاعداي جىلۋ بەرۋدٸڭ تٶمەندەۋٸنە الىپ كەلگەن.
شىعىس قازاقستان وبلىسىنىڭ پروكۋراتۋراسى قالىپتاسقان جاعدايدىڭ سەبەپتەرٸن انىقتاۋ ٷشٸن ۋەكٸلەتتٸ ورگانداردىڭ ماماندارىمەن بٸرلەسٸپ, كەسٸپورىن قىزمەتٸنە تەكسەرۋ جٷرگٸزگەن.
"ونىڭ نەتيجەلەرٸ «ريددەر جەو» اق-نىڭ قاناعاتتانارلىقسىز تەحنيكالىق جاي-كٷيٸن كٶرسەتتٸ. زاڭنامالاردى بۇزۋدىڭ 240-تان استام دەرەگٸ انىقتالدى.
ۋەكٸلەتتٸ ورگاندار پروكۋراتۋرانىڭ قاداعالاۋ اكتٸلەرٸ بويىنشا جەو-عا قاتىستى بۇزۋشىلىقتاردى جويۋ تۋرالى نۇسقاما شىعارا وتىرىپ, 11 ملن.تەڭگەدەن استام سوماعا ەكٸمشٸلٸك جازا قولداندى.
پروكۋراتۋرانىڭ ۇسىنىسى بويىنشا «ريددەر جەو» اق جىلۋ ەنەرگيياسىن تيٸستٸ دەڭگەيدە جەتكٸزبەگەنٸ جەنە ساپاسىنىڭ ناشارلاعانى ٷشٸن تٶلەمدٸ قايتا ەسەپتەۋ ارقىلى 63,3 ملن.تەڭگە سوماسىنا 21,7 مىڭ تۇتىنۋشىعا زالال ٶتەلدٸ" - دەلٸنگەن حابارلامادا.
بۇدان باسقا, تەكسەرۋ بارىسىندا 548 ملن. تەڭگە سوماسىنا تاريفتٸك سمەتا مەن ينۆەستيتسييالىق باعدارلامانىڭ قاراجاتىن ماقساتسىز جۇمساۋ تۋرالى تابيعي مونوپولييالار تۋرالى زاڭنامانى بۇزۋ فاكتٸسٸ انىقتالعان.
«ريددەر جەو» اق ٷشٸن 2023 جىلعى 1 سەۋٸردەن باستاپ 2024 جىلعى 31 ناۋرىزعا دەيٸن 18%-عا تٶمەندەتٸلگەن ۋاقىتشا ٶتەمدٸك تاريف بەكٸتٸلگەن.
