رەسەيدٸڭ ارحانگەلسك وبلىسىنداعى ەسكەري پوليگوندا بولعان اپات يادرولىق وتىن قولداناتىن زىمىران دۆيگاتەلٸنٸڭ جارىلۋىنان تۋىنداۋى مٷمكٸن. بۇل اقپاراتتى امەريكالىق ساراپشىلارعا سٸلتەمە جاساعان Reuters اگەنتتٸگٸ حابارلادى.
ساراپشىلاردىڭ بولجامىنشا, اپات يادرولىق قوندىرعىسى بار قاناتتى زىمىراندى سىناقتان ٶتكٸزۋ كەزٸندە بولعان. بۇل قوندىرعى جايلى ٶتكەن جىلى رەسەي پرەزيدەنتٸ ۆلاديمير پۋتين ايتقان. رەسەي بۇل زىمىراندى 9م730 "بۋرەۆەستنيك" دەپ اتاسا, ناتو SSC-X-9 Skyfall دەپ اتايدى.
رەسەيدٸڭ قورعانىس مينيسترلٸگٸ 8 تامىزدا سۇيىق زىمىران دۆيگاتەل قۇرىلعىسىن سىناقتان ٶتكٸزۋ كەزٸندە ەكٸ ەسكەري قىزمەتكەردٸڭ قازا تاپقانىن, التى ادامنىڭ جارالانعانىن مەلٸمدەگەن. روساتوم بەس قىزمەتكەرٸنٸڭ كٶز جۇمعانىن حابارلادى. مينيسترلٸك دەرەگٸنشە, اپات كەزٸندە اۋاعا زيياندى زاتتار تارالماعان.
امەريكالىق عالىمدار فەدەراتسيياسىنىڭ ٶكٸلٸ انكيتا پاندا سٶزٸنە سٷيەنگەن Reuters -دٸڭ جازۋىنشا, سۇيىق وتىندى قولداناتىن زىمىران دۆيگاتەلدەرٸنەن رادياتسييا بٶلٸنبەيدٸ. الايدا اگەنتتٸكتٸڭ حابارلاۋىنشا, پوليگوننان شامامەن 30 شاقىرىم جەردە ورنالاسقان كٶرشٸ سەۆەرودۆينسك قالاسىنىڭ رەسمي سايتى 8 تامىزدا جارىلىستان سوڭ قالادا رادياتسييا دەڭگەيٸنٸڭ بەلگٸلٸ بٸر ۋاقىت ارالىعىندا "قاتتى جوعارىلاعانىن" جازعان. بٸراق 9 تامىزدا بۇل حابارلاما جويىلعان.
ميددلبەري حالىقارالىق زەرتتەۋلەر ينستيتۋتىنىڭ ٶكٸلٸ دجەففري ليۋيس Reuters اگەنتتٸگٸنە يادرولىق قوندىرعىسى بار قاناتتى زىمىراندى سىناقتان ٶتكٸزۋ كەزٸندە اپات بولۋى مٷمكٸن دەگەن. ليۋيس پەن ينستيتۋت قىزمەتكەرلەرٸ پوليگوننىڭ سپۋتنيكتەن تٷسٸرٸلگەن سۋرەتتەرٸ مەن جاناما دەرەكتەرگە سٷيەنە وتىرىپ تۇجىرىم جاساعان.
ولار جارىلىس بولعان كٷنٸ جاعالاۋداعى كەمەلەردٸڭ اۆتوماتتى يدەنتيفيكاتسييا جٷيەسٸ (AIS ) سيگنالدارىن زەرتتەگەن. زەرتتەۋ بارىسىندا كەمەلەردٸڭ بٸرٸ "سەرەبريانكا" تەپلوحودى ەكەنٸ انىقتالعان. بۇل - سۇيىق راديواكتيۆتٸ قالدىقتاردى جيناپ, ساقتايتىن ارنايى كەمە. ليۋيستٸڭ سٶزٸنشە, قاراپايىم دۆيگاتەلٸ بار زىمىراندى سىناقتان ٶتكٸزۋ ٷشٸن مۇنداي كەمەنٸڭ بولۋى شارت ەمەس.
بۇعان قوسا, ليۋيستٸڭ ايتۋىنشا, AIS سيگنالدارىن زەرتتەۋ نەتيجەسٸ بٶتەن كەمەلەردٸ جٸبەرمەس ٷشٸن "سەرەبريانكا" تەپلوحودىنىڭ جاعالاۋعا سىناق ٶتپەي تۇرىپ بٸر اي بۇرىن ورنالاسقانىن دا كٶرسەتكەن.
