فوتو: THETRUMPET.COM
اقش ۋكرايناعا قۇنى 2 ملرد دوللار بولاتىن جاڭا ەسكەري كٶمەك پاكەتٸن بەرۋگە دايىندالىپ جاتىر. كٶمەك پاكەتٸنە العاش رەت 150 شاقىرىمعا دەيٸن ۇشاتىن راكەتالار ەنگٸزٸلگەن, - دەپ جازدى اق ٷيدەگٸ ەكٸ دەرەككٶزگە سٷيەنگەن Reuters باسىلىمى.
ەڭگٸمە جوعارى دەلدٸكتٸ GLSDB (Ground Launched Small Diameter Bomb) راكەتاسى جٶنٸندە بولىپ وتىر. قازٸر ۋكرايناعا جەتكٸزٸلٸپ جاتقان راكەتالار 80 شاقىرىمعا دەيٸن ۇشا الادى.
Reuters Boeing كومپانيياسى بىلتىر قاراشادا ٶزٸ ٶندٸرەتٸن GLSDB قارۋىن ۋكرايناعا بەرۋدٸ ۇسىنعانىن حابارلاعان.
جٷيە راكەتاقوزعالتقىشى بار شاعىن ديامەترلٸ بومبادان قۇرالعان. ٶزدٸگٸنەن دەلدەي الاتىن راكەتانى HIMARS قوندىرعىسىنان دا ۇشىرۋعا بولادى. ول جٷرٸپ بارا جاتقان نىسانانى ونداعان شاقىرىم جەردەن اتىپ تٷسٸرە الادى.
جٷيە سيپاتتاماسىندا ونى عالامدىق GPS ناۆيگاتسييا جٷيەسٸمەن باسقارۋعا بولاتىنى جازىلعان. ونى كەز كەلگەن اۋا رايىندا ٸسكە قوسۋعا بولادى دەپ ايتىلادى.
GBU-39 وقتۇمسىعىنىڭ جينالا الاتىن شاعىن قاناتتارى بار. بۇل وعان 100 شاقىرىمنان اساتىن قاشىقتىقتاعى نىسانانى كٶزدەۋگە مٷمكٸندٸك بەرەدٸ.
ۆاشينگتون كيەۆتٸڭ 300 شاقىرىمعا دەيٸن ۇشاتىن راكەتالاردى بەرۋ تۋرالى ۇسىنىسىن ورىنداماعان. اق ٷي ۋكراين ەسكەرٸ ولاردى رەسەي اۋماعىنا سوققى جاساۋعا قولدانىپ, سوعىس ۋشىعىپ كەتە مە دەپ قاۋٸپتەنەدٸ.
بۇعان دەيٸن ۋكراينا پرەزيدەنتٸ كەڭسەسٸنٸڭ كەڭەسشٸسٸ ميحايل پودولياك كيەۆ مەسكەۋ اننەكسييالاپ العان قىرىمداعى نىساندارعا شابۋىل جاساۋعا مٷمكٸندٸك بەرەتٸن راكەتالاردى جەتكٸزۋ جٶنٸندە كەلٸسسٶز جٷرگٸزٸپ جاتقانىن ايتقان.
اقپاراتقا قاراعاندا, اقش-تىڭ جاڭا ەسكەري پاكەتٸندە Patriot پەن Javelin-گە قاجەت قوسىمشا جابدىقتاردى بەرۋ دە قاراستىرىلعان.
Reuters-تٸڭ جازۋىنشا, بۇل كٶمەككە قاتىستى رەسمي مەلٸمدەمە وسى اپتادا جاسالادى. اق ٷي ەزٸرشە تٷسٸنٸكتەمە بەرۋدەن باس تارتتى.
اقش, ەۋروپا ەلدەرٸ, جاپونييا جەنە اۆسترالييا ۋكرايناعا ونداعان ميلليارد دوللار كٶلەمٸندە كٶمەك بەرگەن. كٶمەك بەرۋ جاعىنان بٸرٸنشٸ ورىندا – اقش, ودان كەيٸن ۇلىبريتانييا, گەرمانييا, كانادا جەنە پولشا تۇر.
