رەسەيدٸڭ وپپوزيتسييالىق ساياساتكەرٸ ەرٸ قوعام قايراتكەرٸ ۆلاديمير كارا-مۋرزا مەسكەۋدە بٸرەۋلەردٸڭ اڭدىپ جٷرگەنٸن بايقاعان. ول بۇل تۋرالى The Insider باسىلىمىنا ايتتى.
كارا-مۋرزانىڭ سٶزٸنشە, ازاماتتىق كيٸمدەگٸ ادامدار الدىمەن ونىڭ كٶلٸگٸنٸڭ ارتىنان ۋ 563 سا نٶمٸرلٸ ماشينامەن جٷرگەن, كەيٸن ول قوعامدىق كٶلٸككە وتىرعاندا ەلگٸ ادامدار سوڭىنان ەرگەن. وپپوزيتسيونەر كافەگە كٸرگەندە كٶرشٸ ٷستەلگە كٷدٸكتٸ ادامدار وتىرعانىن ايتادى.
Bellingcat زەرتتەۋ توبى 563 سا نٶمٸرلٸ اۆتوكٶلٸك رەسەي فەدەرالدىق قاۋٸپسٸزدٸك قىزمەتٸنە (فسب) تٸركەلگەنٸن ايتتى. The Insider باسىلىمى جارييالاعان سۋرەتتەردٸڭ بٸرٸندە بۇل كٶلٸك رەسەي پرەزيدەنتٸ ەكٸمشٸلٸگٸنٸڭ عيماراتى جانىندا تۇراقتا تۇر.
11 اقپان كٷنٸ Bellingcat توبى ناۆالنىيدى بىلتىرعى ۋلانۋىنا دەيٸن اڭدىپ كەلگەن فسب قىزمەتكەرلەرٸ كارا-مۋرزانى دا اڭدىعان دەپ مەلٸمدەدٸ. كارا-مۋرزا 2015 جەنە 2017 جىلدارى ەكٸ رەت ۋلانۋ بەلگٸلەرٸمەن اۋرۋحاناعا تٷسكەن. Bellingcat توبى فسب قىزمەتكەرلەرٸنٸڭ ساياساتكەردٸ ۋلانارىندا الدىندا اڭدىپ جٷرگەنٸن ايتادى.
"سەيكەس كەلەتٸن ساپارلارىنىڭ سانى – جەتٸ باعىت, 14 رەيس – مۇنىڭ ستاتيستيكا تۇرعىسىنان كەزدەيسوق سەيكەستٸك بولۋى مٷمكٸن ەكەنٸن كٶرسەتەدٸ. كارا-مۋرزا تانىمالدىعى مەن اڭدۋدىڭ تۇراقتى سيپاتى فسب-نىڭ وسى توبى جاساعان ٶزگە قاستاندىقتارعا ەدەۋٸر ۇقسايدى" دەيدٸ Bellingcat.
- 2015 جىلى ەرٸپتەستەرٸمەن كەزدەسۋٸ كەزٸندە ۆلاديمير كارا-مۋرزانىڭ حەلٸ كٷرت ناشارلاعان. دەرٸگەر ينتوكسيكاتسييا سالدارىنا بٷيرەگٸ سىر بەرگەن دەدٸ. ساياساتكەر ۇزاق ۋاقىت بويى كومادا بولدى. فرانتسييادا جاسالعان ساراپتاما ساياساتكەردٸڭ اعزاسىندا اۋىر مەتالل مٶلشەرٸ شامادان تىس جوعارىلاپ كەتكەنٸن انىقتاعان. بٸراق رەسەيدٸڭ سوت-مەديتسينالىق ساراپتاماسى ۋلانۋدى راستامادى.
- 2017 جىلى اقپاندا وپپوزيتسيونەر اۋىر حەلدە مەسكەۋ اۋرۋحاناسىنا تٷستٸ. اۋرۋ بەلگٸلەرٸ 2015 جىلعى جاعدايداعىعا ۇقساس بولدى. دەرٸگەرلەر تٸرٸ قالۋ ىقتيمالدىعى بەس پايىزدان اسپايدى دەگەن. بٸراق ساياساتكەر تٸرٸ قالىپ, ەسٸن جييا الدى.
- كارا-مۋرزانىڭ ٶزٸ بۇل جاعدايدىڭ ارتىندا رەسەي بيلٸگٸ تۇر دەپ سانايدى. ازاتتىق راديوسى ورىس قىزمەتٸنە بەرگەن سۇحباتىندا ول "بۇل – قاساقانا ۋلاۋ. وعان مەنٸڭ ۆلاديمير پۋتيننٸڭ جاقىن اينالاسىنا قارسى جەكەلەگەن باتىس سانكتسييالارىن سالۋدى العا جىلجىتۋ بويىنشا كٶپ جىلعى جۇمىسىم سەبەپ" دەگەن. كارا-مۋرزا – اقش-تىڭ 2012 جىلى قابىلدانعان "ماگنيتسكيي زاڭىن" قابىلداۋعا ىقپال ەتكەن رەسەي ساياساتكەرلەرٸنٸڭ بٸرٸ. زاڭ بۇرىنعىداي بٷكٸل ەلدٸ ەمەس, جەكەلەگەن ادامداردى سانكتسييالاۋعا مٷمكٸندٸك بەردٸ. وسى زاڭ اياسىندا رەسەيدٸڭ ادام قۇقىعىن بۇزۋعا قاتىسى بار دەگەن شەنەۋنٸكتەرٸ مەن بيزنەسمەندەرٸنە سانكتسييا سالىندى. سانكتسييالىق تٸزٸمگە كٸرگەندەردٸڭ اقش-تاعى مٷلكٸ بۇعاتتالىپ, ولاردىڭ ەلگە كٸرۋٸنە تىيىم سالىنادى.
