فوتو: elements.envato.com
رەسەيلٸك كومپانييالاردىڭ قازاقستانعا كٶشۋٸ جالعاسىپ جاتىر. دەگەنمەن, سوڭعى ۋاقىتتا ونىڭ قارقىنى ايتارلىقتاي تٶمەندەدٸ, دەپ حابارلايدى قازاقپارات.
Finprom.kz پورتالىنىڭ مەلٸمەتٸنشە, سوڭعى جىلدارى ەلٸمٸزدە شەتەلدٸك كاپيتالدىڭ قاتىسۋى بار جۇمىس ٸستەپ تۇرعان زاڭدى تۇلعالاردىڭ سانى 24,3 پايىزعا ارتىپ, 54,4 مىڭعا جەتٸپ وتىر. دەگەنمەن مۇنداي كەسٸپورىنداردىڭ تٶرتەۋٸنٸڭ ٷشەۋٸ عانا جۇمىس ٸستەپ تۇر. تامىزدا ولاردىڭ سانى 41,4 مىڭ كەسٸپورىن بولعان.
ەلٸمٸزگە كەلٸپ جاتقان زاڭدى تۇلعالاردىڭ 78 پايىزى ساۋدا, قىزمەت, ٸت-كلاستەر, ەكٸمشٸلەۋ جەنە قوسالقى قىزمەت كٶرسەتۋ ساراپشىلارى سىندى سالالاردى قامتيدى. ەكونوميكانىڭ باسقا دا سەكتورلارىندا ٶسٸم بايقالعانىمەن, ماردىمسىز.
قازاقستانداعى ەربٸر ەكٸنشٸ شەتەلدٸك كەسٸپورىن - رەسەيلٸك. 1 جىل بۇرىن ولاردىڭ سانى 11,9 مىڭ بولسا, بيىل 18,6 مىڭعا جەتٸپ وتىر. ەلٸمٸزدە جۇمىس ٸستەپ تۇرعان شەتەلدٸك كەسٸپورىندار قاتارىنداعى رەسەيلٸك كومپانييالاردىڭ ٷلەسٸ 44,9 پايىزدى قۇرايدى. ودان كەيٸنگٸ ورىندا تٷرٸك بيزنەسمەندەرٸ تۇر. تامىز ايىنىڭ سوڭىندا ەلٸمٸزدە تٷرٸكتٸڭ 3,7 مىڭ زاڭدى تۇلعاسى بولدى. ال ٷشٸنشٸ ورىندا تۇرعان ٶزبەكستاننىڭ 2,7 مىڭ كومپانيياسى تٸركەلگەن.
سولتٷستٸك كٶرشٸمٸزدەگٸ ساياسي جەنە ەكونوميكالىق وقيعالار اياسىندا رەسەيلٸك كومپانييالاردىڭ قازاقستانعا كٶشۋٸ جيٸلەدٸ. 2022 جىلدىڭ باسىندا ەلٸمٸزدە 8 مىڭ عانا رەسەيلٸك زاڭدى تۇلعا تٸركەلگەن بولاتىن. دەل قازٸرگٸ ۋاقىتتا كٶرسەتكٸش بٸردەن 2,3 ەسە ٶسٸپ وتىر.
وسى جىلدىڭ باسىندا دا رەسەيلٸك بيزنەس-رەزيدەنتتەردٸڭ قازاقستانعا كٶشۋٸ جالعاستى. دەگەنمەن ٶتكەن جىلعا قاراعاندا قارقىنى تٶمەن, اي سايىنعى ٶسٸمٸ 3-5 پايىزدى قۇرايدى. جازدا تٸپتٸ تٶمەندەپ, ايىنا 0,8 پايىزدان 1,3 پايىزعا دەيٸن عانا تٸركەلدٸ.
