رەسەيدٸڭ سۆەردلوۆ وبلىسىندا مەتيل سپيرتٸنەن ۋلانۋ سالدارىنان كٶز جۇمعاندار سانى 24 ادامعا جەتتٸ. بۇل تۋرالى سوتتا جۋرناليستەرگە مەملەكەتتٸك ايىپتاۋ ٶكٸلٸ مەلٸم ەتتٸ, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«بٷگٸنگٸ كٷندە قايتىس بولعاندار سانى – 24 ادام», - دەدٸ پروكۋرور.
بۇعان دەيٸن 18 ادامنىڭ كٶز جۇمعانى تۋرالى حابارلانعان.
7-14 قازان ارالىعىندا ەكاتەرينبۋرگتٸڭ چكالوۆ اۋدانىندا بٸرنەشە ادام ازاماتتارعا مەتيل سپيرتٸن ٶتكٸزگەن. رف قك 238-بابى 3-تارماعى («ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان, تۇتىنۋشىلاردىڭ ٶمٸرٸ مەن دەنساۋلىعىنىڭ قاۋٸپسٸزدٸگٸ تالاپتارىنا ساي كەلمەيتٸن تاۋارلار مەن ٶنٸمدەردٸ ٶتكٸزۋ») بويىنشا قىلمىستىق ٸس قوزعالدى.
