رەسەيدٸڭ سامارا وبلىسىندا جٷك كٶلٸگٸ, جەڭٸل كٶلٸك جەنە شاعىن جولاۋشىلار اۆتوبۋسى سوعىلعان جول اپاتىندا 12 ادام قازا تاپتى, دەپ حابارلايدى تاسس اگەنتتٸگٸ.
«قازٸرگٸ مەلٸمەت بويىنشا جول-كٶلٸك وقيعاسىنان 12 ادام قازا تاپتى. تاعى 12 ادام تٷرلٸ جاراقات الدى. بەس ادام جانساقتاۋ بٶلٸمٸندە جاتىر», - دەلٸنگەن رەسەيدٸڭ تەرگەۋ كوميتەتٸ تاراتقان حابارلامادا.
وبلىس باسشىسى دميتريي ازاروۆتىڭ ايتۋىنشا, جول اپاتىنان زارداپ شەككەندەر سىزرانداعى ورتالىق اۋرۋحاناعا جەتكٸزٸلگەن. ساماراعا كٶمەككە تولياتتي قالاسىنان جەدەل جەردەم بريگادالارى جٸبەرٸلگەن. جول اپاتىنان ۋليانوۆ جەنە سامارا وبلىستارىنىڭ تۇرعىندارى زارداپ شەككەن.
جول اپاتى جۇما كٷنٸ كەشكە فەدەرالدىق «ۋرال» م-5 تاس جولىنىڭ 873-شاقىرىمىندا سامارا وبلىسىنىڭ زابوروۆكا كەنتٸنٸڭ جانىندا بولعان. جٷك كٶلٸگٸ, جەڭٸل كٶلٸك جەنە شاعىن جولاۋشىلار اۆتوبۋسى بٸر-بٸرٸنە سوعىلعان.
