تاۋلى قاراباقتا ەسكەري قاقتىعىستار اياقتالعان جەنە ٶڭٸردە رف بٸتٸمگەرلٸك وپەراتسيياسى باستالعان سەتتەن بەرٸ العاش رەت وق اتپاۋ رەجيمٸ بۇزىلدى. بۇل تۋرالى سەنبٸ كٷنٸ جارييالانعان رف قورعانىس مينيسترلٸگٸنٸڭ بيۋللەتەنٸندە حابارلاندى, دەپ جازادى تاسس.
«رەسەيدٸڭ بٸتٸمگەرلٸك كٷشتەرٸنٸڭ كونتينگەنتٸ تاۋلى قاراباقتا جۇمىسىن جالعاستىرۋدا. 23 باقىلاۋ پوستارىندا كٷنٸ-تٷنٸ جاعدايدى باقىلاۋ, سونىڭ ٸشٸندە وق اتپاۋ رەجيمٸ بۇزىلماۋىن قاداعالاۋ جٷرگٸزٸلۋدە. 11 جەلتوقساندا گادرۋت اۋدانىندا تىنىشتىق رەجيمٸن بۇزۋدىڭ بٸر دەرەگٸ تٸركەلدٸ» دەلٸنگەن بيۋللەتەندە.
9 قاراشادا رف پرەزيدەنتٸ ۆلاديمير پۋتين, ەزەربايجان پرەزيدەنتٸ يلحام اليەۆ جەنە ارمەنييا پرەمەر-مينيسترٸ نيكول پاشينيان تاۋلى قاراباقتا اتىستى تولىقتاي توقتاتۋ جٶنٸندە بٸرلەسكەن مەلٸمدەمەگە قول قويعان ەدٸ. رەسەي باسشىسىنىڭ ايتۋىنشا, ەزەربايجان جەنە ارميان تاراپى سول سەتتە يەلٸك ەتٸپ وتىرعان جەرٸندە قالادى, ال وسى ٶڭٸرگە رەسەيدٸڭ بٸتٸمگەرلٸك كٷشٸ ورنالاسادى.
