رەسەيدەن ەلەكتر قۋاتىن يمپورتتاۋ قاشانعا دەيٸن جالعاسادى? قر ەنەرگەتيكا مينيسترٸ ماعزۇم مىرزاعاليەۆكە ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي سۇراق قويىلدى, دەپ حابارلايدى قازاقپارات.
«رەسەيدەن ەلەكتر ەنەرگيياسىن يمپورتتاۋدى جوسپارلاپ وتىرمىز با دەگەن مەسەلەگە كەلسەك, يە, جوسپارلاپ وتىرمىز. ٶيتكەنٸ قاجەتتٸ كٶلەم كەرەك. قازٸردٸڭ ٶزٸندە رەسەي فەدەراتسيياسىنداعى ەرٸپتەستەرٸمٸزبەن كەلٸسسٶز جٷرگٸزٸپ جاتىرمىز. كٶلەمٸنە كەلسەك, ورتا ەسەپپەن تەۋلٸكتٸڭ ۋاقىتىنا قاراي 500-1000 مۆت كٶلەمٸندە قۇبىلادى دەپ ەسەپتەپ وتىرمىز. باعاسى بويىنشا كەلٸسسٶز ەلٸ جٷرٸپ جاتىر», - دەگەن مينيستر بۇل جۇمىس جەكە كومپانييالاردىڭ كٷشٸمەن ٸسكە اساتىنىن ەسكە سالدى.
سونداي-اق, ول ەلدە ەنەرگەتيكالىق بالانس ساقتاۋ ٷشٸن يمپورت قاجەت ەكەنٸن اتادى.
«يمپورت قاشانعا دەيٸن جالعاسادى? بٸز دايىنداعان ەنەرگەتيكالىق بالانس بويىنشا ەلەكتر قۋاتىنىڭ تاپشىلىعى الداعى 4-5 جىلدا ساقتالادى. مەسەلە ەنەرگەتيكا سالاسىنىڭ ايتارلىقتاي يننەرتسييالى سالا ەكەندٸگٸندە. ياعني, كەز كەلگەن ستانسا سالۋ كەم دەگەندە 4-5 جىلعا سوزىلادى. وسىعان بايلانىستى ەلەكتر ەنەرگيياسىن تاعى 4-5 جىل يمپورتتايمىز», -دەدٸ ماعزۇم مىرزاعاليەۆ.
