Reseiden elektr qýatyn importtaý qashanǵa deiin jalǵasady? QR Energetika ministri Maǵzum Myrzaǵalievke ortalyq kommýnikatsiialar qyzmetinde ótken brifingide osyndai suraq qoiyldy, dep habarlaidy QazAqparat.
«Reseiden elektr energiiasyn importtaýdy josparlap otyrmyz ba degen máselege kelsek, iá, josparlap otyrmyz. Óitkeni qajetti kólem kerek. Qazirdiń ózinde Resei Federatsiiasyndaǵy áriptesterimizben kelissóz júrgizip jatyrmyz. Kólemine kelsek, orta eseppen táýliktiń ýaqytyna qarai 500-1000 MVt kóleminde qubylady dep eseptep otyrmyz. Baǵasy boiynsha kelissóz áli júrip jatyr», - degen ministr bul jumys jeke kompaniialardyń kúshimen iske asatynyn eske saldy.
Sondai-aq, ol elde energetikalyq balans saqtaý úshin import qajet ekenin atady.
«Import qashanǵa deiin jalǵasady? Biz daiyndaǵan energetikalyq balans boiynsha elektr qýatynyń tapshylyǵy aldaǵy 4-5 jylda saqtalady. Másele energetika salasynyń aitarlyqtai innertsiialy sala ekendiginde. Iaǵni, kez kelgen stansa salý kem degende 4-5 jylǵa sozylady. Osyǵan bailanysty elektr energiiasyn taǵy 4-5 jyl importtaimyz», -dedi Maǵzum Myrzaǵaliev.
