رەسەيدە ينتەرنەتتٸڭ رەسەيلٸك سەگمەنتٸن عالامتوردىڭ جاھاندىق ينفراقۇرىلىمىنان اجىراتقان جاعدايدا ونىڭ تۇراقتى جۇمىسىن قامتاماسىز ەتۋ جٶنٸندەگٸ زاڭ كٷشٸنە ەندٸ, دەپ حابارلايدى تاسس اگەنتتٸگٸ
رەسمي تۇلعالار مەن ساراپشىلاردىڭ ايتۋىنشا, جاڭا زاڭنىڭ رەسەيلٸك ينتەرنەتتٸ پايدالانۋشىلارعا ەشقانداي ەسەرٸ بولمايدى, رۋنەت ەلەمدٸك ينتەرنەت كەڭٸستٸگٸنٸڭ بٸر بٶلٸگٸ بولىپ قالا بەرمەك.
«زاڭنىڭ كٷشٸنە ەنۋٸنەن رەسەيلٸك قولدانۋشىلار ەشقانداي ٶزگەرٸستٸ بايقامايدى, بايلانىستىڭ ساپاسى دا ناشارلامايدى», - دەپ مەلٸمدەدٸ رف تسيفرلىق دامۋ, بايلانىس جەنە بۇقارالىق كوممۋنيكاتسييالار مينيسترلٸگٸنٸڭ باسپاسٶز حاتشىسى ەۆگەنيي نوۆيكوۆ.
زاڭعا سەيكەس, رۋنەتتٸڭ قالىپتى جۇمىس ٸستەۋٸنە قاۋٸپ تٶنگەن جاعدايدا رەسەيدٸڭ بايلانىس, اقپاراتتىق تەحنولوگييالار جەنە بۇقارالىق كوممۋنيكاتسييالار سالاسىن قاداعالاۋ جٶنٸندەگٸ فەدەرالدىق قىزمەتٸ (روسكومنادزور) جالپى كٶپشٸلٸك پايدالاناتىن بايلانىس جەلٸسٸن ٶز باقىلاۋىنا الادى. ال ونداي قاۋٸپتٸڭ تۋعانى, باقىلاۋدى فەدەرالدىق قىزمەتكە تاپسىرۋ تۋرالى ٷكٸمەت شەشٸم قابىلدايدى.
زاڭنىڭ قابىلدانۋى جۇرتشىلىق اراسىندا قىزۋ تالقىلاندى. تٸپتٸ قىتايدىڭ «التىن قالقانى» سيياقتى جابىق كەڭٸستٸك قۇرىلادى دەپ ۋايىمداعاندار دا بولدى.
فەدەرالدىق قىزمەتتٸڭ باسشىسى الەكساندر جاروۆتىڭ مەلٸمدەۋٸنشە, رەسەيدە تەك قانا تىيىم سالىنعان نەرسەلەر بۇعاتتالادى, تىيىم سالىنعان اقپاراتتارعا عانا شەكتەۋ قويىلادى.
ال بايلانىس مينيسترٸنٸڭ ورىنباسارى الەكسەي ۆولين قىتايدىڭ ۇستانعان جولى رەسەيگە تۋرا كەلمەيتٸنٸن جەتكٸزدٸ. ونىڭ ايتۋىنشا, قحر ٸشكٸ نارىعى رەسەيگە قاراعاندا ەلدەقايدا اۋقىمدى, سوندىقتان ەكونوميكالىق تۇرعىدان ٶزٸن قامتاماسىز ەتە الادى. ونىڭ ٷستٸنە, رۋنەتتٸ پايدالانۋشىلار 300 ملن ادامنان اسادى, ياعني رەسەي حالقىنان ەكٸ ەسە كٶپ. ال رۋنەتتٸ وقشاۋلاپ قويۋ رۋنەت نارىعىن كەم دەگەندە ەكٸ ەسە قىسقارتۋمەن بارابار.
