قازاقستان قۇراماسىنىڭ باس باپكەرٸ ميحال بيلەك قازان ايىندا ٶتەتٸن ويىندارعا شاقىرىلعان فۋتبولشىلاردىڭ ەسٸمٸن جارييالادى, دەپ حابارلايدى قازاقپارات.
قازاقستان فۋتبول فەدەراتسيياسىنان مەلٸم ەتكەنٸندەي, تٸزٸمگە 23 فۋتبولشى ەندٸ.
شاقىرىلعاندار قاتارىندا رەسەيدٸڭ «روستوۆ» كومانداسىنىڭ نامىسىن قورعاپ جٷرگەن جارتىلاي قورعاۋشى باكتيەر زاينۋتدينوۆ بار. جاراقاتىنا بايلانىستى بٸراز ۋاقىت بويى ەمدەلگەن ول, الاڭعا مەسكەۋدٸڭ «ديناموسىمەن» بولعان ويىننىڭ 81-مينۋتىندا شىعىپ, ٸلە-شالا پرەمەر-ليگاداعى العاشقى گولىن سوققان ەدٸ. ماتچتان كەيٸن «روستوۆتىڭ» باس باپكەرٸ ۆالەريي كارپين ب.زاينۋتدينوۆقا الداعى ۋاقىتتا دا سەنٸم ارتاتىنىن مەلٸمدەگەن بولاتىن.
سول سەكٸلدٸ ٶتكەن تۋردا «قايسارمەن» ويىندا قوس بٸردەي گولدىڭ اۆتورى اتانعان «استانانىڭ» شابۋىلشىسى سەرگەي حيجنيچەنكو ەل قۇراماسىنا قايتا ورالدى.
سونىمەن الداعى بەسەلەكەلەرگە مىنا فۋتبولشىلار شاقىرتۋ الىپ وتىر.
قاقپاشىلار: دميتريي نەپوگودوۆ («ورداباسى»), ستاس پوكاتيلوۆ («قايرات»), يگور شاتسكيي («شاحتەر»);
قورعاۋشىلار: ابزال بەيسەبەكوۆ, يۋريي لوگۆينەنكو, دميتريي شومكو (بارلىعى - «استانا»), نۇرالى ەلٸپ, عافۋرجان سٷيٸمباەۆ (ەكەۋٸ دە - «قايرات»), الەكساندر ماروچكين («قايسار»), تەمٸرلان ەرلانوۆ, سەرگەي مالىي (ەكەۋٸ دە - «ورداباسى»), ولجاس كەرٸمجانوۆ («جەتٸسۋ»), يان ۆوروگوۆسكيي («بەەرسحوت», بەلگييا);
جارتىلاي قورعاۋشىلار: يۋريي پەرتسۋح («استانا»), ايبول ەبٸكەن, گەورگيي جۋكوۆ, باۋىرجان يسلامحان, يسلامبەك قۋات (بارلىعى – «قايرات»), اسحات تاعىبەرگەن («قايسار»), باكتيەر زاينۋتدينوۆ («روستوۆ», رەسەي);
شابۋىلشىلار: ماكسيم فەدين («توبىل»), توقتار جاڭعىلىشباي («ورداباسى»), سەرگەي حيجنيچەنكو («استانا»).
رەزەرۆ: ۆلاديمير پلوتنيكوۆ («قايرات»), اسلانبەك كەكٸموۆ («اقتٶبە»), سەرٸكجان مۋجيكوۆ, رومان مۋرتازاەۆ (ەكەۋٸ دە - «استانا»), اسلان داراباەۆ, ەركٸن تاپالوۆ, ايبار جاقسىلىقوۆ (بارلىعى - «جەتٸسۋ»), دۋمان نەرزٸلداەۆ («قايسار»), مارات بىستروۆ, تيمۋر دوسماعامبەتوۆ (ەكەۋٸ دە – «ورداباسى»), ۆيكتور دميترەنكو, ازات نۇرعاليەۆ, باۋىرجان تۇرىسبەك, رۋسلان ۆاليۋللين, دميتريي ميروشنيچەنكو (بارلىعى - «توبىل»), گەۆورگ نادجاريان («شاحتەر»).
ايتا كەتەيٸك, قازاقستان ۇلتتىق قۇراماسى «استانا ارەنا» ستاديونىندا الدىمەن 10 قازان كٷنٸ كيپر قۇراماسىمەن كەزدەسەدٸ. ويىننىڭ باستالۋى – 20.00. ال 13 قازان كٷنٸ 19.00-دە بەلگييا قۇراماسىن قابىلدايدى.
قازاقستان قۇراماسى 2020 جىلعى ەۋروپا چەمپيوناتىنا ٸرٸكتەۋ تۋرنيرٸندە I توبىندا 7 ۇپايمەن ەزٸرگە ٷشٸنشٸ ورىندا كەلەدٸ. بۇل توپتا كٶش باستاعان بەلگييانىڭ 18, ودان كەيٸن رەسەيدٸڭ 15 ۇپايى بار. كيپر دە قازاقستان سەكٸلدٸ 7 ۇپايعا يە بولسا, بەسٸنشٸ ورىنداعى شوتلاندييانىڭ قورجىنىندا 6 ۇپاي بار. سوندىقتان ٷشٸنشٸ ورىن بەسەكەدە كيپرمەن ٶتەتٸن ماتچ اسا ماڭىزدى بولماق.
