قازاقستاننىڭ سانكت پەتەربۋرگتەگٸ باس كونسۋلدىعى پسكوۆ وبلىسى نەۆەل قالاسىنداعى كەڭەس وداعىنىڭ باتىرى مەنشٷك مەمەتوۆانىڭ ەسكەرتكٸشٸن قورلاۋ دەرەگٸ بويىنشا رف ٸٸم باسقارماسىنان جاۋاپ الدى, - دەپ حابارلايدى kaz.tengrinews.kz تٸلشٸسٸ كونسۋلدىقتىڭ ٶكٸلدەرٸنە سٸلتەمە جاساپ.
قۇقىق قورعاۋ ورگاندارى ۆيدەونىڭ ەكٸ جىل بۇرىن تٷسٸرٸلگەنٸن انىقتاعان. ۆاندالدىڭ اتى-جٶنٸ دە انىقتالعان. ول نەۆەل اۋدانىنىڭ لەونوۆو اۋىلىنىڭ تۋماسى - 1997 جىلعى سەرگەي رەپوۆ ەكەن.
بەرگەن تٷسٸنٸكتەمەسٸندە ول مەمەتوۆانىڭ ەسكەرتكٸشٸنٸڭ ماڭىنان ٶتٸپ بارا جاتىپ, "سەتتٸ كادر" جاساعىسى كەلگەنٸن جازعان. دوسى يليا كۋبانوۆتان سۋرەتكە تٷسٸرۋٸن سۇراعان, ال ول ٶز كەزەگٸندە روليكتە "ۆكونتاكتە" جەلٸسٸنە جٷكتەپتٸ.
بۇل دەرەك پوليتسييانىڭ جەرگٸلٸكتٸ بٶلٸمٸندە تٸركەلگەن.
ەسكە سالايىق, وسىعان دەيٸن ينتەرنەتتە تارالعان ۆيدەودا بٸر ەر ادامنىڭ ەسكەرتكٸشكە شىعىپ الىپ, سۋرەتكە تٷسكەنٸ كٶرٸنەدٸ. روليكتە بىلاپىت سٶزدەر ايتىلعان.
