رەسەيدە سوڭعى بٸر كٷندە 71 ادامنان كوروناۆيرۋس تابىلدى. بۇل تۋرالى پرەمەر-مينيستر ميحايل ميشۋستين حابارلادى. ەلدە ۆيرۋس جۇققاندار سانى 438 ادام بولدى.
كوروناۆيرۋس جاعدايىن باقىلاۋ جٶنٸندەگٸ شۇعىل شتابىنىڭ دەرەگٸنشە, دەرتكە جاڭادان شالدىققانداردىڭ بارلىعى مەسكەۋدەن انىقتالعان.
ميشۋستين ناۋقاستارمەن بايلانىستا بولعانداردى انىقتاۋدىڭ ىڭعايلى جٷيەسٸن قالىپتاستىرۋدى تاپسىردى. پرەمەر-مينيستردٸڭ پٸكٸرٸنشە, ۇيالى بايلانىس وپەراتورلارىنىڭ دەرەگٸن وسى ماقساتتا پايدالانۋعا بولادى.
ول سونىمەن بٸرگە ەگدە ادامداردى ٷيدەن شىقپاۋعا شاقىردى.
مەسكەۋ مەرٸ سەرگەي سوبيانين 26 ناۋرىز بەن 14 سەۋٸر ارالىعىندا 65 جاستان اسقان قالا تۇرعىندارى مەن سوزىلمالى اۋرۋعا شالدىققان ادامدار ٷيدە وتىرۋى تيٸس دەپ ايتتى. مەردٸڭ رەسمي سايتىندا وسى تۋرالى ارنايى جارلىق مەتٸنٸ دە جارييالاندى.
وعان سەيكەس, جۇمىس بەرۋشٸلەر قىزمەتكەرلەرٸن قاشىقتان جۇمىس ٸستەۋگە كٶشٸرۋٸ تيٸس نەمەسە تٶلەنەتٸن دەمالىسقا جٸبەرۋٸ كەرەك. تەك ٶتە ماڭىزدى كەسٸپورىن مەن مەكەمەلەر, دەنساۋلىق ساقتاۋ سالاسى قىزمەتكەرلەرٸ عانا جۇمىسىن جالعاسا بەرەدٸ.
ٷيدە كارانتيندە وتىرعاندارعا 4 مىڭ رۋبل (شامامەن 50 دوللار نەمەسە 22 مىڭ تەڭگە) كٶلەمٸندە بٸر رەتتٸك كٶمەك بەرٸلەدٸ. جارتىسى كارانتيننٸڭ باسىندا, جارتىسى اياعىندا تٶلەنەدٸ. كوممۋنالدىق تٶلەمدەردٸ كەشٸكتٸرگەن تۇرعىنداردىڭ تٶلەمٸنە ٶسٸماقى قوسىلمايدى.
23 ناۋرىزدان باستاپ رەسەي كوروناۆيرۋسقا بايلانىستى تٷركييا, تايلاندقا قاتىنايتىن ۇشاق رەيستەرٸن ازايتقان. قازٸر بۇل ەلدەرگە تەك مەسكەۋدەن عانا ۇشۋعا بولادى. بۇعان دەيٸن "اەروفلوت" ەۋە كومپانيياسى ەۋروپانىڭ بٸرقاتار ەلٸنە رەيستەردٸ شەكتەگەن.
ەلەمدە Covid-19 كوروناۆيرۋسى 336 مىڭنان استام ادامعا جۇقتى. قازا بولعاندار سانى 14 مىڭنان اسىپ كەتتٸ. ۆيرۋس 180-نەن استام ەلگە تارادى. 98 مىڭنان استام ادام دەرتتەن ايىققان.
