يل-76 ەسكەري ۇشاعى ريازان ماڭىندا قۇلادى. وقيعا سالدارىنان قازا تاپقاندار بار, بٸرنەشە ادام اۋرۋحاناعا جاتقىزىلدى, - دەپ حابارلايدى Tengrinews.kz تٸلشٸسٸ DW.com سايتىنا سٸلتەمە جاساپ.
يل-76 ۇشاعى ورىنبوردان بەلگورودقا شىققان, ال ريازاندا جانارماي قۇيۋ جوسپارلانعان.
اپات كەزٸندە بورتتا 9 ادام بولعان, ونىڭ ٷشەۋٸ قازا تاپتى. بورتتان بارلىق ادام شىعارىلىپ, مەديتسينالىق مەكەمەلەرگە جەتكٸزٸلگەن.
"24 ماۋسىمدا يل-76 ەسكەري ۇشاعى ريازان وبلىسىنا قوندى. جٷكسٸز وقۋ-جاتتىعۋ رەيسٸن ورىنداۋ كەزٸندە قوزعالتقىشتا اقاۋ انىقتالعان سوڭ, قونۋ تۋرالى شەشٸم قابىلداندى. جەرگە جاقىنداعاندا ۇشاق جارتىلاي قۇلادى", - دەلٸنگەن رف قورعانىس مينيسترلٸگٸ حابارلاماسىندا.
اپاتتان كەيٸن ٶرت باستالعان, بٸراق ول تولىق سٶندٸرٸلگەن.
