رەسەيدٸڭ ارحانگەلسكٸ وبلىسىندا نەنوكسا - سەۆەرودۆينسكٸ باعىتى بويىنشا پويىزعا مٸنگەن اقش ەلشٸلٸگٸنٸڭ ٷش ٶكٸلٸن پويىزدان تٷسٸرٸپ تاستادى. اقش مەملەكەتتٸك دەپارتامەنتٸنٸڭ حابارلاۋىنشا, امەريكا جاعى بۇعان دەيٸن ديپلوماتتاردىڭ رەسمي ساپارى جايلى رەسەي جاعىن قۇلاعدار ەتكەن.
بۇعان دەيٸن قۇپييا دەرەككٶزگە سٷيەنگەن "ينتەرفاكس" اگەنتتٸگٸ رەجيمدٸك اۋماققا كٸرمەك بولعان امەريكالىقتاردىڭ ۇستالعانىن حابارلاعان. اگەنتتٸكتٸڭ دەرەگٸنشە, ۇستالعاندار اراسىندا ەسكەري-تەڭٸز اتتاشەسٸ, اقش ەلشٸلٸگٸنٸڭ ەسكەري اتتاشەسٸ بولعان.
"ينتەرفاكستىڭ" جازۋىنشا, وقيعا 14 قازاندا سەۆەرودۆينسكٸ ستانتسيياسى ماڭىندا بولعان. رەجيمدٸك اۋماققا كٸرۋٸ ٷشٸن ديپلوماتتاردىڭ قاجەتتٸ قۇجاتتارى بولماعان. دەرەككٶزدٸڭ حابارلاۋىنشا, قۇجاتتارىن تەكسەرگەننەن كەيٸن ديپلوماتتاردى بوساتىپ جٸبەرگەن.
رەسەيدٸڭ سىرتقى ٸستەر مينيسترلٸگٸنٸڭ ايتۋىنشا, ەلشٸلٸك ٶكٸلدەرٸ قورعانىس مينيسترلٸگٸن رەسمي ساپارى جايىندا ەسكەرتكەن, بٸراق ولار تەك ارحانگەلسكٸگە عانا باراتىنىن ايتقان.
نەنوكسادا رەسەيدٸڭ ەسكەري-تەڭٸز كٷشتەرٸنٸڭ سىناق پوليگونى ورنالاسقان. 8 تامىزدا وندا جارىلىس بولىپ, رەسەي بيلٸگٸ "روساتومنىڭ" بەس قىزمەتكەرٸ, ەكٸ ەسكەري قىزمەتكەردٸڭ قازا بولعانىن مەلٸمدەدٸ.
رەسمي ورىندار "جارىلىس راديويزوتوپتى ەنەرگييا كٶزٸنەن شىققان" دەپ حابارلادى. بٸراق رەسمي مەلٸمدەمەدە ناقتى قانداي تەحنيكاعا قاتىستى ەكەنٸ ايتىلمادى. بۇعان دەيٸن كٶپتەگەن زەرتتەۋشٸلەر تٷرلٸ بولجام ايتقان. "بۋرەۆەستنيك" قۇرلىقارالىق زىمىرانى جارىلدى دەگەن نۇسقا دا بولدى.
ٶتكەن اپتا سوڭىندا اقش مەملەكەتتٸك دەپارتامەنتٸ رەسەيدٸڭ ارحانگەلسكٸ وبلىسىنداعى پوليگوندا بولعان جارىلىس اق تەڭٸزدٸڭ تٷبٸنەن يادرولىق قوندىرعىسى بار "بۋرەۆەستنيك" زىمىرانىن الىپ شىعۋ كەزٸندە بولعان دەگەن قورىتىندى جاسادى.
