رەسەي قورعانىس مينيسترلٸگٸ سيرييادا "يسلام مەملەكەتٸ" ەكسترەميستٸك ۇيىمىنىڭ ەسكەري جەتەكشٸسٸ, تەجٸكستاندىق ارنايى جاساقتىڭ بۇرىنعى كومانديرٸ گۋلمۋرود حاليموۆتىڭ كٶزٸ جويىلعانىن مەلٸمدەدٸ, دەپ حابارلايدى "ۇلت اقپارات" ازاتتىققا سٸلتەمە جاساپ.
مينيسترلٸك اقپاراتىنا قاراعاندا, حاليموۆ پەن يم-نٸڭ بٸرنەشە جوعارى شەندٸ كومانديرٸ سيرييا ارميياسى مەن جيھادشىلار اراسىندا سوعىس جٷرٸپ جاتقان دەير ەل-زور قالاسىنىڭ ماڭىندا جەراستى نىسانىندا بولعان. رەسەيلٸك ەسكەريلەر يم شەپتەرٸنە ەۋەدەن سوققى جاسالىپ, نەتيجەسٸندە 40 شاقتى سودىردىڭ, ونىڭ ٸشٸندە حاليموۆتىڭ كٶزٸ جويىلعان.
حاليموۆتىڭ ٶلٸمٸن ەزٸرگە باسقا بەيتاراپ اقپارات كٶزدەرٸنەن انىقتاۋ مٷمكٸن بولماي تۇر.
پولكوۆنيك گۋلمۋرود حاليموۆ 2015 جىلدىڭ سەۋٸرٸندە كەنەتتەن جوعالىپ كەتتٸ, مامىردىڭ سوڭىندا يم جاساعىنا قوسىلعانىن مەلٸمدەگەن. سيرييادا تٷسٸرٸلگەنگە ۇقسايتىن بەينەباياندا حاليموۆ بيلٸكتٸڭ ساياساتىنا نارازىلىق رەتٸندە ەسٸرەدٸنشٸلدەرگە قوسىلعانىن ايتادى. حاليموۆ بىلتىر جازدا يم ەسكەري مينيسترٸ مٸندەتٸن اتقارۋشى بولىپ تاعايىندالعان ەدٸ.
تەجٸكستان بيلٸگٸ پولكوۆنيكتٸ "وتانىنا وپاسىزدىق جاسادى" دەپ ايىپتاپ, ينتەرپول ارقىلى ٸزدەستٸرٸپ جاتىر. اقش گۋلمۋرود حاليموۆتىڭ ورنالاسقان جەرٸ تۋرالى اقپارات بەرگەن ادامعا 3 ميلليون دوللار سىي تٸكتٸ.
Times جۋرنالى بيىل سەۋٸردٸڭ 15-ٸ كٷنٸ "گۋلمۋرود حاليموۆ موسۋلدىڭ باتىسىنداعى اۆياسوققى كەزٸندە قازا تاپتى" دەپ جازعان. بٸراق دۋشانبە بۇرىنعى كومانديردٸڭ قازاسى تۋرالى اقپارات الماعاندارىن ايتقان.
بيىل شٸلدەنٸڭ باسىندا تەجٸكستاندا حاليموۆتىڭ تٶرت تۋىسى اۋعانستانعا ٶتپەك بولعاندا كٶزٸ جويىلىپ, تاعى ٷشەۋٸ قولعا تٷسكەن.
