2 جەلتوقساندا رەسەي "سيلا سيبيري" قۇبىر جەلٸسٸ ارقىلى قىتايعا تابيعي گاز تاسىمالداۋدى باستايدى. "گازپروم" مەملەكەتتٸك كەسٸپورنىنا قاراستى قۇبىردىڭ جالپى ۇزىندىعى - ٷش مىڭ شاقىرىم.
جاڭا قۇبىردى ٸسكە قوسۋ رەسٸمٸنە رەسەي پرەزيدەنتٸ ۆلاديمير پۋتين مەن قىتاي پرەزيدەنتٸ سي تسزينپين تەلەبايلانىس ارقىلى قاتىسادى دەپ حابارلاندى.
رەسەي گازى قۇبىر ارقىلى العاش رەت قىتايعا جٶنەلتٸلەدٸ. 2025 جىلعا قاراي "سيلا سيبيري" گاز قۇبىرىمەن تاسىمالداناتىن گاز كٶلەمٸن جىلىنا 38 ميلليارد تەكشە مەترگە جەتكٸزۋ جوسپارلانعان. تابيعي وتىندى سٸبٸردەگٸ كەنٸشتەردەن رەسەيدٸڭ قيىر شىعىس ايماعىنداعى ەلدٸ مەكەندەرگە, ودان ارى قىتايدىڭ شەكارا ايماعىنداعى حەيلۋنتسزيان پروۆينتسيياسىنا جەتكٸزۋ كٶزدەلگەن.
2014 جىلى "گازپروم" مەن قىتايدىڭ CNPC مەملەكەتتٸك كومپانيياسى قۇنى 400 ميلليارد دوللار دەپ باعالانعان جوبانى بەكٸتۋ تۋرالى كەلٸسٸمگە قول قويعان. 30 جىل مەرزٸمگە جاسالعان جوبا بويىنشا گاز باعاسى قالاي قالىپتاساتىنى تۋرالى ەكٸ تاراپ تا ەشتەڭە حابارلاعان جوق.
