رەسەي قورعانىس مينيسترلٸگٸ قازاقستاننان جالعا العان سارىشاعان پوليگونىندا زىمىراننان قورعانۋ جٷيەسٸنٸڭ (زقج) جاڭا راكەتاسىن سىناعانىن حابارلادى. 26 قاراشادا جارييالانعان رەسمي حابارلامادا زىمىراننىڭ قاشان سىنالعانى ايتىلماعان.
رەسەي قورعانىس مينيسترلٸگٸنٸڭ حابارلاۋىنشا, زىمىرانعا قارسى جاڭا جٷيە “ٶزٸنە تەن قاسيەتتەرٸن دەلەلدەپ, تاپسىرمانى سەتتٸ ورىنداپ, شارتتى نىسانانى دەلدەپ اتىپ تٷسٸرگەن".
"زىمىراننان قورعانۋ جٷيەسٸ ەۋە-عارىش شابۋىلدارىنان قورعاۋعا ارنالعان" دەلٸنگەن حابارلامادا.
رەسەيلٸك باق قازان ايىنىڭ سوڭىندا دا وسىعان ۇقساس سىناق ٶتكەنٸن حابارلاعان.
رەسەي قاراعاندى وبلىسىنداعى سارىشاعان پوليگونىنىڭ بٸر بٶلٸگٸن 1996 جىلى قازاقستانمەن جاسالعان كەلٸسٸم بويىنشا جالعا العان. پوليگوننىڭ قالعان بٶلٸگٸن قازاقستان پايدالانادى.
