رەسەي ورتالىق سايلاۋ كوميسسيياسى (وسك) ەلدەگٸ پرەزيدەنت سايلاۋىنا قاتىسقان سايلاۋشىلار داۋسىنىڭ 40 پايىزى سانالعاننان كەيٸنگٸ مەلٸمەتٸن جارييالادى. كوميسسييا مەلٸمەتٸ بويىنشا, ٸس باسىنداعى پرەزيدەنت ۆلاديير پۋتين سايلاۋشىلاردىڭ 74 پايىز داۋسىن جيناعان.
18 ناۋرىز كٷنٸ تٷنگە قاراي پۋتين مەسكەۋدەگٸ مانەجنىي الاڭىندا ٶتكەن ميتينگ-كونتسەرتتە سٶيلەپ, سايلاۋشىلارعا العىس ايتتى.
پۋتيننەن كەيٸنگٸ ورىندا رەسەي فەدەراتسيياسى كوممۋنيستٸك پارتيياسىنىڭ كانديداتى پاۆەل گرۋدينين (14 پايىز) تۇر. "ينتەرفاكس" اگەنتتٸگٸنٸڭ حابارلاۋىنشا, گرۋدينين سايلاۋ ەدٸل ٶتپەگەنٸن مەلٸمدەگەن. رەسەي ليبەرال-دەموكراتييالىق پارتيياسىنىڭ جەتەكشٸسٸ ۆلاديمير جيرينوۆسكيي ٷشٸنشٸ, "گراجدانسكايا ينيتسياتيۆا" توبىنان كسەنييا سوبچاك تٶرتٸنشٸ ورىندا تۇر.
"يابلوكو" پارتيياسىنىڭ نەگٸزٸن قالاۋشى گريگوريي ياۆلينسكيي, "پارتييا روستا" ساياسي ۇيىمى ليدەرٸ بوريس تيتوۆ, "كوممۋنيستى روسسيي" پارتيياسى جەتەكشٸسٸ ماكسيم سۋرايكين جەنە "روسسييسكيي وبششەنارودنىي سويۋز" پارتيياسىنان تٷسكەن سەرگەي بابۋرين, الدىن الا دەرەكتەر بويىنشا, ەرقايسىسى بٸر پايىزعا دا تولمايتىن داۋىس جيناعان.
سايلاۋ ۋچاسكەلەرٸندەگٸ جاعدايدى باقىلاعان بەلسەندٸلەر داۋىس بەرەتٸن جەرگە سايلاۋشىلاردى ۇيىمداستىرعان تٷردە جاپپاي ەكەلۋ, سايلاۋ جەشٸكتەرٸنە بيۋللەتەندەردٸ توپتاپ تاستاۋ تەرٸزدٸ زاڭ ەرەجەسٸن بۇزۋ جايتتارىن تٸركەگەن. سونىمەن بٸرگە باقىلاۋشىلارعا كٷش قولدانىلعان بٸرنەشە وقيعا بولعانى تۋرالى اقپارات تاراعان.
ورتالىق سايلاۋ كوميسسيياسى سايلاۋ "اشىق" ٶتكەنٸن جەنە "ايتارلىقتاي ٶرەسكەل زاڭ بۇزۋ بولماعانىن" مەلٸمدەدٸ.
65 جاستاعى ۆلاديمير پۋتين رەسەيدٸ 2000 جىلدان بەرٸ باسقارىپ كەلەدٸ. ول 13 جىل پرەزيدەنت, ونىڭ اراسىندا تٶرت جىل پرەمەر-مينيستر قىزمەتٸن اتقاردى.
