22 سەۋٸردە رەسەي قورعانىس مينيسترلٸگٸ "موسكۆا" راكەتالىق زىمىرانىندا بولعان ٶرتتەن بٸر ادامنىڭ وپات بولعانىن, 27 ادامنىڭ ٸز-تٷزسٸز جوعالعانىن حابارلادى. ەكيپاجدىڭ قالعان 396 مٷشەسٸ قارا تەڭٸز فلوتىنداعى ٶزگە كەمەلەرگە ەۆاكۋاتسييالانعان. بۇل جٶنٸندە "ينتەرفاكس" اگەنتتٸگٸ جازدى.
قورعانىس مينيسترلٸگٸ قازا بولعان جەنە ٸز-تٷزسٸز جوعالعان تەڭٸزشٸلەردٸڭ تۋىستارىنا كٶمەكتەسەتٸنٸن ايتتى. وسىعان دەيٸن ۆەدومستۆو كەمەدەن ەكيپاجدىڭ بارلىق مٷشەسٸ ەۆاكۋاتسييالانعانىن حابارلاعان. الايدا ٸزٸنشە كرەيسەردە بولعان تەڭٸزشٸلەردٸڭ تۋىستارى جاقىندارىنىڭ قازاسى نەمەسە جوعالعانى جايلى ايتا باستاعان.
13 سەۋٸردە ۋكراينا "موسۆكا" كرەيسەرٸن زىمىرانمەن اتقىلاعانىن, كەمەدە ٶرت بولعانىن مەلٸمدەگەن. بۇل قارا تەڭٸزدە – ودەسسادان شامامەن 150 شاقىرىم جەردە بولعان. 14 سەۋٸرگە قاراعان تٷنٸ ٶرت بولعانىن رەسەي قورعانىس مينيسترلٸگٸ راستادى. ۆەدومستۆو كەمەدەگٸ وق-دەرٸنٸڭ تۇتانعانىن ايتقان.
14 سەۋٸردە رەسەي تارابى كرەيسەردٸڭ سۋ بەتٸندە ەكەنٸن حابارلادى. بٸراق بٸرنەشە ساعاتتان سوڭ رەسەي قورعانىس مينيسترلٸگٸ كەمە تەڭٸزدەگٸ داۋىلدان تەپە-تەڭدٸك ساقتاي الماي, باتىپ كەتتٸ دەپ مەلٸمدەدٸ. مەسكەۋ ٶرتتٸن نەدەن شىققانىن ايتپادى.
