بٷگٸن, 10 قازاندا ۋكراينا استاناسى كيەۆ قالاسىندا بٸرنەشە جارىلىس بولدى, جارىلىس قالانىڭ ەر ٶڭٸرٸندە جالعاسىپ جاتىر. بۇل جٶنٸندە DW ارناسى رەسمي دەرەككٶزدەرگە سٷيەنٸپ حابارلادى.
"10 قازاندا تاڭەرتەڭ كيەۆتە كەمٸ ەكٸ جارىلىس بولدى, ٶلگەندەر بار" دەيدٸ باسىلىم.
DW تاراتقان مەلٸمەتكە قاراعاندا, ۋكراينا ٸشكٸ ٸستەر مينيسترٸ كەڭەسشٸسٸ روستيسلاۆ سميرنوۆ كيەۆتٸڭ شەۆچەنكو اۋدانىنداعى جارىلىستان 8 ادام قازا تاۋىپ, 24 بەيبٸت ادام جارالانعانىن ايتقان.
DW تەلەارناسى دنەپر, جيتومير, تەرنوپول, لۆوۆ قالالارى دا زىمىرانمەن اتقىلانعانىن جازىپ وتىر.
بيىل 24 اقپاندا ۋكراينا باسىپ كٸرگەن رەسەي كيەۆ قالاسىن بٸرنەشە كٷندە باسىپ الاتىنىن مەلٸمدەگەن. بٸراق كيەۆتٸ الا الماي, كەيٸنگٸ كٷندەرٸ ۋكراينانىڭ بٸرنەشە وبلىسىنىڭ جەرٸن "رەفەرەندۋم" نەتيجەسٸ بويىنشا اننەكسييالاعان.
ۋكراينا "رەفەرەندۋم" نەتيجەسٸن مويىندامايتىنىن, ٶز جەرٸن ازات ەتكەنشە توقتامايتىنىن مەلٸمدەگەن. قىركٷيەك ايىندا حاركوۆ وبلىسىن ازات ەتٸپ, شابۋىلىن جالعاستىرعان. 21 قىركٷيەكتە رەسەي پرەزيدەنتٸ ۋكرايناداعى سوعىسقا بايلانىستى ٸشانارا موبيليزاتسييا جارييالاعان.
ٶتكەن سەنبٸ, 8 قازاندا رەسەي ۋكراينادان 2014 جىلى اننەكسييالاپ العان قىرىم تٷبەگٸن رەسەيمەن جالعايتىن كٶپٸر جارىلىپ, بٸرنەشە بەتون جولى قيراعان. باتىس باسىلىمدارى بۇل سوققى رەسەي پرەزيدەنتٸ ۆلاديمير پۋتيننٸڭ جەكە ٶزٸنە قاتتى تيەدٸ دەپ بولجاعان.
بۇعان دەيٸن رەسەي بيلٸگٸ "قىرىم كٶپٸرٸنە شابۋىل جاسالسا, جاۋاپ اۋىر بولاتىنىن" بٸرنەشە رەت مەلٸمدەگەن.
