رەسەي قازاقستانعا سلادكوە كٶلٸن سىيعا تارتتى دەپ تۋرا ايتۋعا بولمايدى. بۇل تۋرالى قر سٸم باسپاسٶز قىزمەتٸنٸڭ جەتەكشٸسٸ ەنۋار جايناقوۆ مەلٸمدەدٸ, - دەپ حابارلايدى kaz.tengrinews.kz.
"بٸرٸنشٸدەن, رەسەي قازاقستانعا كٶل سىيلادى دەۋ ورىندى ەمەس. ٶيتكەنٸ كٶلدٸڭ بٸر جاعى باياعىدان قازاقستان اۋماعىنا كٸرەدٸ. شەكارا 2005 جىلدىڭ 18 قاڭتارىنداعى كەلٸسٸم بويىشا ورناتىلعان. اتالعان ايماققا شەكارالىق بەلگٸلەر ورناتىلدى. بۇل اۋماقتا ەشقانداي ايىرباس بولعان جوق", - دەيدٸ جايناقوۆ.
نوۆوسٸبٸر وبلىسىنداعى كۋپينو اۋدان ورتالىعىنان 20 شاقىرىم جەردە ورنالاسقان سلادكوە كٶلٸن قازاقستانعا بەرۋ تۋرالى اقپارات رەسەيدەگٸ قازاقستان ەلشٸلٸگٸنٸڭ سايتىندا 15 تامىزدا جارييالانعان.
"كۋپين اۋدانىنىڭ باسشىسى ۆلاديمير شۋبينكوۆتىڭ سٶزٸنشە, كٶلدٸڭ بٸر جاعى ونسىز دا قازاقستان اۋماعىندا بولعان, سوندىقتان قالعان بٶلٸگٸن جىلجىتا سالۋ كەرەك بولدى. دەماركاتسييا 10 سەۋٸردە اياقتالعان بولاتىن. دەماركاتسييادان كەيٸن سلادكوە كٶلٸ تولىقتاي قازاقستان اۋماعىنا كٸردٸ", - دەلٸنگەن ۆەدومستۆو حابارلاماسىندا.
رەسەيلٸك باق-تىڭ مەلٸمەتٸ بويىنشا, كٶلدە جەرگٸلٸكتٸ حالىق جيٸ دەمالاتىن, قازٸر ولارعا شەكارانىڭ ٶزگەرگەنٸ تۋرالى ەسكەرتۋ ايتىلىپ جاتىر. رەسەيدەگٸ قازاقستان ەلشٸلٸگٸنٸڭ اقپاراتى بويىنشا, كٶل سۋى زييانسىز جەنە ەمدٸك ماقساتتا پايدالى ەكەن.
"سلادكوە كٶلٸنٸڭ سۋ قۇرامىندا - ناتريي يونى, حلور, گيدروكورباناتتار, بور جەنە ٶزگە دە مينەرالدى تۇزدار بار. سۋ ٶتە جۇمساق - قۇرامى جاعىنان سابىندى سۋ سيياقتى. كٶل سۋىندا بالىق جوق. كٶل سۋى قۇرامىنا بايلانىستى قىستا قاتپايدى. كٶل سۋى مەن لايىن پايدالانىپ, تەرٸ, اسقازان مەن ٸشەك, پارودونتوز, اللەرگييا, قيمىل-تٸرەك جٷيەسٸنٸڭ اۋرۋلارىن ەمدەۋگە بولادى جەنە يممۋنيتەت پەن شاشتى كٷشەيتۋگە سەپتەسەدٸ", - دەلٸنگەن سايتتا.
سونىمەن قاتار, بٸرقاتار رەسەيلٸك باق-تا كٶل سۋىنىڭ پايداسىز ەكەنٸ ايتىلعان. "بٸزدٸڭ اۋداندا گوركوە كٶلٸ بار - مٸنە ول ەمدٸك. ال سلادكوە كٶلٸ - جارتىلاي كٶل, جارتىلاي لاي, مٷلدە پايداسىز", - دەپ كەلتٸرەدٸ كۋپينو اۋدانىنىڭ باسشىسى ۆلاديمير شۋبينكوۆتىڭ سٶزٸن "نگس.نوۆوستي" سايتى.
