رەسەي جوعارعى سوتىندا ەدٸلەت مينيسترلٸگٸنٸڭ "يەگوۆا كۋەگەرلەرٸ" دٸني ۇيىمىنا قارسى شاعىمى بويىنشا سوت وتىرىسى باستالاتىن سەت. مەسكەۋ, 20 سەۋٸر 2017 جىل.
رەسەي جوعارعى سوتى "يەگوۆا كۋەگەرلەرٸ" دٸني ۇيىمىن ەكسترەميستٸك ۇيىم دەپ تانىپ, رەسەي تەرريتوريياسىنداعى قىزمەتٸنە تىيىم سالدى. سوت شەشٸمٸ رەسەي ەدٸلەت مينيسترلٸگٸنٸڭ شاعىمى بويىنشا شىعارىلدى. رەسەيدە زاڭدى تٷردە تٸركەلگەن دٸني ۇيىمدى ەكسترەميستٸك ۇيىم دەپ تانىعان وقيعا بٸرٸنشٸ رەت بولىپ وتىر.
سوت شەشٸمٸ ەڭ الدىمەن "يەگوۆا كۋەگەرلەرٸنٸڭ" سانكت-پەتەربۋرگتەگٸ ەكٸمشٸلٸك ورتالىعىنا جەنە ۇيىمنىڭ ەل اۋماعىنداعى قىزمەتٸنە ەسەر ەتەدٸ.
"يەگوۆا كۋەگەرلەرٸ" قازٸر ۇيىمنىڭ 170 مىڭعا تارتا ٶكٸلٸ بارىن ايتادى. رەسەيدە بۇل ۇيىمعا ونىڭ ەسكەري قىزمەت, سايلاۋعا قاتىسۋ جەنە جالپى مەملەكەتتٸك بيلٸككە قاتىستى ٶزگەشە ۇستانىمىنا بايلانىستى بۇرىننان كٷدٸكپەن قارايتىن.
رەسەي بيلٸگٸ "يەگوۆا كۋەگەرلەرٸ" دٸني ۇيىمىن ەكسترەميزمگە قاتىسى بار دەگەن كٷدٸكپەن قىزمەتٸن ۋاقىتشا توقتاتتى. "ينتەرفاكس" اگەنتتٸگٸنٸڭ حابارلاۋىنشا, ەدٸلەت مينيسترلٸگٸ 16 ناۋرىزدا جوعارعى سوتقا "رەسەيدەگٸ يەگوۆا كۋەگەرلەرٸنٸڭ باسقارۋ ورتالىعىن" ەكسترەميستٸك دەپ تانىپ, قىزمەتٸنە تىيىم سالۋ جەنە ۇيىمدى جويۋ تۋرالى تالاپ-شاعىم تٷسٸرگەن. شاعىم 5 سەۋٸردە قارالماق.
"يەگوۆا كۋەگەرلەرٸ" ورتالىعىنىڭ مەلٸمدەمەسٸندە ورتالىق قىزمەتٸنە تىيىم سالۋ ونىڭ جاقتاستارىن دٸني سەنٸمٸ ٷشٸن, ونىڭ ٸشٸندە ٸنجٸلدٸ بٸرگە وقىپ, بٸرگە قۇلشىلىق قىلاتىنى ٷشٸن عانا قىلمىستىق قۋدالاۋعا ۇلاسۋى مٷمكٸن دەيدٸ.
اقش مەملەكەتتٸڭ دەپارتامەنتٸ 2016 جىلى دٸن ۇستانۋ ەركٸندٸگٸ تۋرالى جىل سايىنعى ەسەبٸندە رەسەيدە دٸني ازشىلىقتى قۇرايتىن توپتارعا جٷيەلٸ تٷردە قىسىم كٶرسەتٸلەتٸنٸن, ال باس پروكۋراتۋرا "يەگوۆا كۋەگەرلەرٸ" دٸني ۇيىمىنىڭ بارلىق 406 جەرگٸلٸكتٸ دٸني بٸرلەستٸگٸ مەن 2500-دەن استام قاۋىمىن ەكسترەميزمگە قاتىسى بار دەگەن ايىپپەن جابۋدى تالاپ ەتٸپ جاتقانىن مەلٸمدەگەن.
