اقش, يتالييا جەنە باسقا ەلدەردٸڭ ۋنيۆەرسيتەتتەرٸنەن زەرتتەۋشٸلەر توبى The Lancet جۋرنالىنىڭ رەداكتسيياسىنا حات جازىپ, پرەپاراتتى سىناۋ نەتيجەلەرٸندە ستاتيستيكالىق اۋىتقۋلار بار ەكەندٸگٸن ايتقان, دەپ حابارلايدى تاسس سايتى.
رەسەيدٸڭ «سپۋتنيك V» ۆاكتسيناسىن سىناۋدىڭ ەكٸ كەزەڭدەگٸ نەتيجەلەرٸن The Lancet عىلىمي جۋرنالىندا جارييالاۋ – ۆاكتسينا ەزٸرلەۋدٸڭ ساپاسىن ارتتىراتىن وڭ قادام. سەيسەنبٸدە تاسس تٸلشٸسٸنە بەرگەن سۇحباتىندا رعا كوررەسپوندەنت-مٷشەسٸ, سولتٷستٸك كارولينا ۋنيۆەرسيتەتٸنٸڭ (اقش) جەنە م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ پروفەسسورى الەكساندر كابانوۆ وسىنداي پٸكٸر بٸلدٸردٸ.
«رەسەيلٸك ۆاكتسينا جايلى مەلٸمەتتەردٸ سىناۋعا كەلەر بولساق, بٸرٸنشٸدەن, نەتيجەلەردٸ سىناۋ – قالىپتى عىلىمي پروتسەستٸڭ بٶلٸگٸ. ەسٸرەسە پاندەمييا جاعدايىنداعى ۆاكتسينا نەمەسە دەرٸ-دەرمەك سيياقتى ەلەۋمەتتٸك ماڭىزى بار جۇمىستارعا قاتىستى اتاتىن بولسا», – دەيدٸ رعا كوررەسپوندەنت مٷشەسٸ.
«ەكٸنشٸدەن, بۇل رەسەيگە, ۆاكتسيناعا نەمەسە عالىمدارعا قارسى باعىتتالعان سىن ەمەس. مىسالى, ٷش اي بۇرىن, ەكٸ جۋرنالدان, سونىڭ ٸشٸندە وسى The Lancet جۋرنالىنان امەريكالىق عالىمداردىڭ ماقالالارى الىنىپ تاستالعان ەدٸ. سەبەبٸ نەتيجەلەر سىنعا ۇشىراعان جەنە ماقالا اۆتورلارى دەرٸ-دەرمەكتٸ كوروناۆيرۋستى ەمدەۋدە قولدانۋ تۋرالى العاشقى مەلٸمەتتەردٸ بەرۋدەن باس تارتقان», – دەدٸ عالىم.
«ٷشٸنشٸدەن, سىن ايتۋ – نەتيجە دۇرىس ەمەس دەگەندٸ بٸلدٸرمەيدٸ. مۇنى سىنشىلار دا ايتىپ وتىر. ولار باستاپقى ساندىق دەرەكتەرسٸز رەسەي ۆاكتسيناسى تۋرالى ماقالاداعى مەلٸمەتتەردٸڭ سەنٸمدٸلٸگٸ جٶنٸندە قورىتىندى جاساۋ مٷمكٸن ەمەس ەكەنٸن اتاپ ٶتتٸ», – دەپ تٷسٸندٸردٸ كابانوۆ.
«گامالەيا ينستيتۋتىندا جاسالعان رەسەيلٸك ۆاكتسينا سەتتٸ بولادى دەپ ٷمٸتتەنەمٸن. وسىعان بايلانىستى مەن ونى ەزٸرلەۋشٸلەرگە, سونداي-اق كوروناۆيرۋسقا قارسى سەنٸمدٸ جەنە قاۋٸپسٸز ۆاكتسينانى قاجەت ەتەتٸن بارلىق رەسەي ازاماتتارىنا سەتتٸلٸك تٸلەيمٸن», – دەدٸ عالىم.
