فوتو: اشىق دەرەككٶز
2025 جىلدىڭ 28 شٸلدەسٸندە المەتەۆسك قالاسىندا (تاتارستان رەسپۋبليكاسى, رەسەي) «كاراكۋز فيلم» حالىقارالىق كينوفەستيۆالٸنٸڭ اشىلۋى ٶتتٸ. فەستيۆال باعدارلاماسىنا قازاقستان, ٶزبەكستان, تەجٸكستان, گرۋزييا جەنە رەسەيدٸڭ ەرتٷرلٸ ٶڭٸرلەرٸنەن وتىزدان استام فيلم ەندٸ, دەپ حابارلايدى Ult.kz.
فەستيۆال شىمىلدىعىن قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن «شاتىرداعى ەكەۋ» فيلمٸ اشتى. فيلمدٸ فەستيۆال اياسىندا پروديۋسەر ەلييا شەرٸپباەۆا تانىستىرىپ, شىعارماشىلىق كەزدەسۋ ٶتكٸزدٸ. پروديۋسەر تٷسٸرٸلٸم پروتسەسٸ تۋرالى ەڭگٸمەلەپ, كٶپشٸلٸك سۇراقتارىنا جاۋاپ بەردٸ.
«شاتىرداعى ەكەۋ» فيلمٸ – گٷلشات سماعۇلوۆانىڭ العاشقى رەجيسسەرلٸك جۇمىسى. كارتينا تاعدىرى قيىندىققا تولى جاس جٸگٸت دامير مەن اۋتيزم دەرتٸنە شالدىققان جاسٶسپٸرٸم كوستيانىڭ اراسىنداعى دوستىقتى باياندايدى. شىعارماشىلىق توپ كارتينادا ينكليۋزييانىڭ ماڭىزىن جەنە ەرەكشە بالالاردىڭ قوعامعا بەيٸمدەلۋ مەسەلەسٸن كٶتەرگەن.
فەستيۆال اياسىندا فرانتسۋز كٷرەسٸنەن ەلەم چەمپيونى اتانعان العاشقى قازاق پالۋانى – قاجىمۇقان مۇڭايتپاسوۆ تۋرالى باياندايتىن «قاجىمۇقان» فيلمٸ دە كٶرسەتٸلدٸ. ول – حالىقارالىق, رەسەي جەنە بٷكٸلوداق چەمپيوناتتارىندا اسا اۋىر سالماق دەرەجەسٸندە جەڭٸسكە جەتٸپ, ەلۋگە جۋىق مەدال يەلەنگەن تاريحي تۇلعا. كارتينا اڭىزعا اينالعان سپورتشىنىڭ ەرلٸگٸ مەن ۇلتتىق ماقتانىشقا اينالعان جولىن كٶرسەتەدٸ.
ايتا كەتەيٸك, «كاراكۋز فيلم» – كٶرەرمەننٸڭ ٶزٸ قازىلىق ەتەتٸن جەتٸ كٷندٸك كينوفەستيۆال. بايقاۋ باعدارلاماسىندا التى نوميناتسييا قاراستىرىلعان. اتاپ ايتساق, «ٷزدٸك كٶركەم فيلم», «ٷزدٸك دەرەكتٸ فيلم», «ٷزدٸك انيماتسييالىق فيلم», «ٷزدٸك قىسقامەتراجدى فيلم», «بالالار كٶزايىمى جٷلدەسٸ», «كاراكۋز فيلم» گران-پريٸ جەنە بەس ارنايى جٷلدە تابىس ەتٸلەدٸ.
فەستيۆالگە قازاقستاندىق فيلمدەردٸڭ قاتىسۋى ۇلتتىق كينەماتوگرافيياعا دەگەن قىزىعۋشىلىقتى كٶرسەتٸپ قانا قويماي, ونىڭ حالىقارالىق مەدەني كەڭٸستٸكتەگٸ ماڭىزىن دا ايشىقتايدى.
