رەسەيلٸك ەكسپورتتاۋشىلار باتىستىڭ ەكونوميكالىق سانكتسييالارىنان 6 ميلليارد 300 ميلليون دوللار شىعىنعا باتتى. بۇل تۋرالى رەسەي ەكونوميكالىق دامۋ مينيسترلٸگٸنٸڭ بايانداماسىنا سٸلتەمە جاساعان "ينتەرفاكس" اگەنتتٸگٸ حابارلادى.
بايانداماعا قاراعاندا, ەۋروپا وداعى رەسەيلٸك تاۋارلارعا - 25, ۋكراينا - 22, ٷندٸستان - 16, اقش 9 شەكتەۋ قويعان. رەسەي ەكونوميكا مينيسترلٸگٸ ۆاشينگتون سانكتسيياسىنان كەلگەن شىعىندى 1,1 ميلليارد دوللارعا باعالايدى. ال, ەڭ كٶپ شىعىندى ەۋروپا وداعىنىڭ سانكتسييالارى كەلتٸرگەن - شامامەن 2,5 ميلليارد دوللار.
باتىس سانكتسييالارىنان رەسەيدٸڭ ەڭ كٶپ شىعىنعا ۇشىراعان - مەتاللۋرگييا (4 ملرد دوللار) مەن اۋىل شارۋاشىلىعى (شامامەن 1 ملرد دوللار) سالالارى.
سوڭعى بٸرنەشە جىلدا رەسەيگە 62 ەل سانكتسييا سالعان. 2018 جىلدىڭ سوڭىنداعى دەرەككە قاراعاندا, رەسەيلٸك تاۋارلارعا قارسى بارلىعى 159 شەكتەۋ شاراسى قابىلدانعان.
