رەسەي مەملەكەتتٸك دۋماسىنا ۋكراينانى "تەرروريستٸك مەملەكەت" دەپ تانۋ جٶنٸندەگٸ زاڭ جوباسى كەلٸپ تٷستٸ. بۇل جٶنٸندە تاسس اگەنتتٸگٸ "سپراۆەدليۆايا روسسييا - زا پراۆدۋ" فراكتسيياسىنىڭ جەتەكشٸسٸ سەرگەي ميرونوۆتىڭ سٶزدەرٸنە سٸلتەمە جاساپ حابارلادى. زاڭ جوباسىن ەزٸرلەگەن دە وسى فراكتسييا ەكەن.
جوبامەن تانىسىپ شىققان ريا نوۆوستي اگەنتتٸگٸ وندا "تەرروريزمگە دەمەۋشٸلٸك" ەتكەن ەلدەردٸ دە "تەرروريستٸك" دەپ تانۋ جٶنٸندە باپ بارىن ايتادى. اتاپ ايتقاندا, ۋكرايناعا ەسكەري كٶمەك كٶرسەتكەن ەلدەر. مۇنداي ەلدەردٸڭ تٸزٸمٸن جاساۋ رەسەي ٷكٸمەتٸنە تاپسىرىلعان.
قۇجاتقا سەيكەس, "ەلدٸ مەكەندەرگە جارىلىس جاساپ, ادام ٶمٸرٸنە قاۋٸپ تٶندٸرگەن", "زاڭسىز قارۋلى قىلمىستىق توپ قۇرعان", "رەسەيدٸڭ تەرريتورييالىق تۇتاستىعىن بۇزعان نەمەسە سوعان ٷندەگەن" مەملەكەتتەر "تەرروريستٸك" دەپ تانىلادى.
زاڭ جوباسىنا سەيكەس, "تەرروريستٸك" دەپ تانىلعان ەلدەرمەن رەسەي بارلىق ديپلوماتييالىق قارىم-قاتىناستى ٷزەدٸ. سونىمەن بٸرگە سول ەلدٸڭ ازاماتتارىنىڭ دٷنيە-مٷلكٸ تەركٸلەنەدٸ.
