ۋكراينا باس پروكۋراتۋراسى 13 ماۋسىمدا تاراتقان مەلٸمەتكە قاراعاندا, رەسەي ەسكەرٸ ۋكرايناعا باسىپ كٸرگەلٸ بەرٸ كەم دەگەندە 288 بالا وققا ۇشىپ, 527 بالا جارالانعان.
باس پروكۋراتۋرا مۇنى ەزٸرگە قولدا بار اقپارات دەپ سانايدى, سوعىس قيمىلدارى جٷرٸپ جاتقان ايماقتاردان تولىق اقپارات جيناۋ مٷمكٸن بولماعان.
كەيٸنگٸ كٷندەرٸ وققا ۇشقان بالالار اراسىندا لۋگانسك وبلىسىنا قاراستى ليسيچانسك ەلدٸمەكەنٸنٸڭ 6 جاسار سەبيٸ بار. ول 12 ماۋسىمدا رەسەي ەسكەرٸ ارتيللەرييامەن اتقىلاعان كەزدە ٶلگەن. 11 ماۋسىمدا رەسەي ەسكەرٸ تەرنوپول وبلىسىنداعى چەرتكوۆ قالاسىن اتقىلاعاندا 12 جاسار قىز زارداپ شەككەن.
بٸرٸككەن ۇلتتار ۇيىمىنىڭ ادام قۇقىعى جٶنگٸندەگٸ جوعارعى كوميسسارى باسقارماسىنىڭ ٶتكەن اپتاداعى ەسەبٸنە قاراعاندا, رەسەي ەسكەرٸ باسىپ كٸرگەلٸ 272 بالا, 4 مىڭ 302 بەيبٸت ادام قازا بولىپ, 5217 ادام جارالانعان. ول كەزدە دونەتسك جەنە لۋگانسك وبلىستارىندا 2493 ادام ٶلٸپ, 2979 ادام جارالانعانى حابارلانعان. بۇل وبلىستاردىڭ كيەۆ باقىلاپ وتىرعان ايماقتارىندا 2339 ادام ٶلٸپ, 2326 ادام جارالانعان.
ٶلٸم-جٸتٸمنٸڭ كٶبٸ ارتيللەرييا جەنە دٷركٸندەتٸپ اتاتىن زىمىران جٷيەسٸنٸڭ شابۋىلىنان كەيٸن بولعان.
بۇۇ باسقارماسى ٶلگەندەر مۇنان ەلدەقايدا كٶپ بولۋى مٷمكٸن ەكەنٸن, سوعىس ايماقتارىنان اقپارات كەش جەتٸپ جاتقانىن ەسكەرتكەن. ەسٸرەسە ماريۋپول, يزيۋم جەنە پوپاسنايا قالالارىندا بەيبٸت ادامداردىڭ قىرىلىپ جاتقانى جايلى حابار جيٸلەگەن.
