رەسەي ارحيۆتەرٸندەگٸ قازاقستانداعى اشارشىلىققا قاتىستى قۇپييا قۇجاتتار جيناق بولىپ شىعادى. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات.
«بيىل رەسەي فەدەراتسيياسىنىڭ فەدەرالدى ارحيۆٸ مەن ورتالىق مەملەكەتتٸك ارحيۆ قۇجاتتارى نەگٸزٸندە «گولود ۆ كازاحستانە ي روسسيي» (جوبا) اتتى قۇجاتتار جيناعىن شىعارۋ جوسپارلانۋدا. جيناققا قۇپييا بەلگٸسٸ الىنعان 400 قۇجات كٸرەدٸ», - دەدٸ اسقار مامين.
ٷكٸمەت باسشىسىنىڭ اتاپ ٶتۋٸنشە, ارحيۆ ٸسٸ سالاسىنداعى حالىقارالىق ىنتىماقتاستىقتى دامىتۋ اياسىندا ارمەنييا, ەزەربايجان, بەلارۋس, يران يسلام رەسپۋبليكاسى, قىتاي حالىق رەسپۋبليكاسى, ليتۆا, ەگيپەت اراب رەسپۋبليكاسى, موڭعولييا, پولشا, رەسەي فەدەراتسيياسى, تٷركييا, ۋكراينا, فينلياندييا, ەستونييانىڭ تيٸستٸ مەملەكەتتٸك ورگاندارىمەن, سونىمەن بٸرگە امەريكا قۇراما شتاتتارىنىڭ حولوكوست مەموريالدى مۋزەيٸمەن 17 كەلٸسٸم مەن مەموراندۋمعا قول قويىلدى.
«سونىمەن بٸرگە بٸلٸم جەنە عىلىم مينيسترلٸگٸ 2020-2022 جىلدارعا ارنالعان گرانتتىق قارجىلاندىرۋ اياسىندا مۇراعات قۇجاتتارىنىڭ جيناقتارىن, شەتەلدٸك رەيتينگ باسىلىمدارىنداعى ماقالالاردى باسىپ شىعارۋدى جوسپارلاۋدا. بۇل جۇمىستار اشارشىلىقتىڭ تولىق اشىلماعان بەتتەرٸن زەرتتەۋگە ٷلەس قوسادى. سونداي-اق مينيسترلٸكپەن 2021-2023 جىلدارعا ارنالعان باعدارلامالىق-نىسانالى قارجىلاندىرۋ اياسىندا جارييالانعان كونكۋرستا «حح عاسىردىڭ 20-30 جىلدارىنداعى قازاقستانداعى اشارشىلىق: پەنارالىق زەرتتەۋلەردٸڭ جاڭا تەجٸريبەسٸ مەن نەتيجەلەرٸ» تاقىرىبىنداعى تەحنيكالىق تاپسىرما ەزٸرلەندٸ», دەدٸ پرەمەر-مينيستر.
