رەسەي ەكٸ "يادرولىق بومبالاۋشىسىن" الياسكا شتاتىمەن شەكارالاس قيىر شىعىستاعى اۋدانىنا ۇشىرعانىن ايتتى. بومبالاۋشىلار جاتتىعۋ اياسىندا ۇشىرىلعان. رەسەي مەملەكەتتٸك ارنالارىنىڭ سٶزٸنشە, بۇل مەسكەۋدٸڭ اقش شەكاراسىنا يادرولىق قارۋ جەتكٸزە الاتىنىن كٶرسەتكەن.
14 تامىزدا رەسەي قورعانىس مينيسترلٸگٸ تۋ-160 بومبالاۋشى ۇشاعى 8 ساعاتتا 6 000 شاقىرىمعا - ساراتوۆتاعى بازادان چۋكوتكاداعى انادىرعا دەيٸن ۇشىپ بارعانىن حابارلادى. انادىر قالاسى بەرينگ بۇعازى ارقىلى اقش-تىڭ الياسكا شتاتىمەن شەكارالاس.
سسسر كەزٸندە قۇراستىرىلعان تەز ۇشاتىن ۇشاق شاعىن راديۋستاعى 12 يادرولىق زىمىراندى ارتىپ, توقتاماستان 12 مىڭ شاقىرىم ۇشا الادى.
رەسەي قورعانىس مينيسترلٸگٸ ۇشاقتاردىڭ جٸبەرٸلۋٸ وسى اپتانىڭ سوڭىنا دەيٸن جالعاساتىن "تاكتيكالىق جاتتىعۋدىڭ بٸر بٶلٸگٸ" بولعانىن ايتتى.
بيىل 2 تامىزدا 31 جىل بۇرىن اقش پەن رەسەي قول قويعان يادرولىق كەلٸسٸمنٸڭ كٷشٸ جويىلدى. 1987 جىلى سوۆەت ٷكٸمەتٸ مەن اقش راديۋسى 500-5500 شاقىرىم بولاتىن بالليستيكالىق جەنە قاناتتى زىمىرانداردى قۇراستىرماۋعا ٶزارا كەلٸسكەن ەدٸ. ساراپشىلار بۇل كەلٸسٸمنٸڭ جويىلۋى رەسەي مەن اقش اراسىنداعى قارۋلانۋ بەسەكەسٸن كٷشەيتەدٸ دەپ قاۋٸپتەنەدٸ.
كەلٸسٸمگە سەيكەس, ەكٸ تاراپ يادرولىق وقتۇمسىقتاردىڭ سانىن الداعى جەتٸ جىل ٸشٸندە - 1550-گە دەيٸن, قۇرلىقتاعى, تەڭٸزدەگٸ جەنە ەۋەدەگٸ بالليستيكالىق زىمىراندار سانىن 700-گە دەيٸن ازايتۋى تيٸس بولعان.
زىمىران تۋرالى كەلٸسٸم كٷشٸنٸڭ جويىلۋىنا ۆاشينگتون مەن مەسكەۋدٸڭ بٸر-بٸرٸن "كەلٸسٸم-شارتتى بۇزدى" دەپ ايىپتاۋى سەبەپ بولعان. بۇعان دەيٸن اقش پەن ناتو رەسەيلٸك 9م729 "نوۆاتور" قاناتتى زىمىرانى (SSC-8 دەپ تە اتايدى) كەلٸسٸمدە كٶرسەتٸلگەن شەكتەن الىسقا ۇشادى دەپ مەسكەۋدٸ بٸرنەشە رەت ايىپتاعان. رەسەي مۇنى تەرٸستەپ, كەلٸسٸم شارتتارىن اقش-تىڭ ٶزٸ بۇزىپ وتىر دەپ مەلٸمدەگەن. ۆاشينگتون بۇل ايىپتى جوققا شىعارعان.
