11 شٸلدەدە قازاقستاندا 3899 ادامنىڭ اناليزٸنەن كوروناۆيرۋس انىقتالدى. بۇل بۇرىن-سوڭدى تٸركەلمەگەن ەڭ جوعارى كٶرسەتكٸش. كەيٸنگٸ اپتالاردا كوروناۆيرۋس جۇققاندار ٷزدٸكسٸز ارتىپ كەلەدٸ.
ەسٸرەسە نۇر-سۇلتان, الماتى قالاسى, قاراعاندى, اتىراۋ مەن باتىس قازاقستان وبلىستارىندا ۆيرۋس كٷشەيگەن. ٶتكەن تەۋلٸكتە نۇر-سۇلتاندا 950 ادامنىڭ كوروناۆيرۋس تەستٸ وڭ شىققان. الماتىدا – 638, قاراعاندى وبلىسىندا – 603, اتىراۋ وبلىسىندا – 290, شىمكەنتتە – 264, باتىس قازاقستان وبلىسىندا – 215, اقمولا وبلىسىندا – 139, ماڭعىستاۋ وبلىسىندا – 126, پاۆلودار وبلىسىندا 142 ناۋقاس تٸركەلدٸ. قالعان وبلىستاردا انىقتالعان ناۋقاستار جٷزگە جەتپەيدٸ.
قازٸر "جاسىل ايماقتا" تٷركٸستان مەن شىعىس قازاقستان وبلىسى عانا قالعان. تٶرت وبلىس: سولتٷستٸك قازاقستان وبلىسى, الماتى وبلىسى, جامبىل مەن قىزىلوردا وبلىستارى – "سارى ايماقتا". نۇر-سۇلتان, الماتى, شىمكەنت قالالارى, پاۆلودار, اتىراۋ, قاراعاندى, اقمولا, قوستاناي, اقتٶبە, ماڭعىستاۋ, باتىس قازاقستان وبلىستارى "قىزىل ايماقتا" تۇر. الگوريتمگە سەيكەس, "قىزىل ايماقتاردا" كارانتين كٷشەيەدٸ.
رەسمي مەلٸمەت بويىنشا, قازاقستاندا 2020 جىلدىڭ ناۋرىز ايىنان بەرٸ 458 724 ادامنىڭ كوروناۆيرۋس تەستٸ وڭ شىققان. 4681-ٸ قايتىس بولعان. بۇعان كوروناۆيرۋس جۇقتىرىپ قايتىس بولعان 2367 ادامنىڭ ٶلٸمٸ كٸرمەي قالعان. دەنساۋلىق ساقتاۋ مينيسترلٸگٸنٸڭ تٷسٸندٸرۋٸنشە, ولار "ٶزگە اۋرۋدان قايتىس بولعان". بٸراق ددسۇ نۇسقاۋلىعىندا وقىس جاعدايدان ٶزگەنٸڭ بەرٸن كوروناۆيرۋس ٶلٸمٸ ستاتيستيكاسىنا قوسۋ قاجەت دەپ جازىلعان.
ٷكٸمەت بىلتىر تامىزدان بەرٸ پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. 10 شٸلدەگە دەيٸن 57 900 ادام پنەۆمونييانىڭ وسى تٷرٸنە شالدىققان (10 شٸلدەدە 40 ادامنىڭ پنەۆمونيياعا شالدىققانى انىقتالدى), 3492-سٸ قايتىس بولعان. بيلٸك بۇل دەرەكتٸ كوروناۆيرۋستىڭ نەگٸزگٸ ستاتيستيكاسىنا قوسپاي وتىر.
10 شٸلدەدە 37 ادام كوروناۆيرۋستان قايتىس بولعان: 34 ادام – كوروناۆيرۋستان, 3 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
قازٸر قازاقستان بويىنشا 41 مىڭ ادام كوروناۆيرۋستان ەمدەلٸپ جاتىر. 13 مىڭى ستاتسيوناردا جاتىر. 126 ادام جاساندى تىنىس اپپاراتىنا قوسىلعان.
كەيٸنگٸ اپتالاردا ەلدە ٸندەتتٸڭ كٷرت كٷش العانى بايقالادى. بيلٸك ورگاندارى مۇنى "دەلتا ۆاريانتىمەن" بايلانىستىرادى. ٷندٸستاندا انىقتالعان بۇل ۆاريانت قازاقستاندا العاش رەت ماۋسىمنىڭ سوڭىندا تٸركەلگەن. جاڭا ۆاريانتتىڭ العاشقى ۆاريانتقا قاراعاندا ەدەۋٸر جۇقپالى.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنا باستادى. سودان بەرٸ 4 ملن 372 مىڭ ادام ۆاكتسينانىڭ كەمٸندە بٸر دوزاسىن العان. 2 ملن 442 مىڭ ادام ۆاكتسينانىڭ ەكٸ دوزاسىن العان.
