كونستيتۋتسييانى تٷزەتۋ مەتٸنٸ بارلىق قازاقستاندىقتارعا جەتكٸزٸلۋٸ كەرەك. بۇل رەتتە رەسپۋبليكالىق رەفەرەندۋمدا داۋىس بەرۋگە ارنالعان بيۋللەتەندە قىسقا جاۋاپتار كٶزدەلەدٸ. بۇل تۋرالى مەجٸلٸس دەپۋتاتى ارمان قوجاحمەتوۆ ايتتى, دەپ حابارلايدى قازاقپارات.
«پرەزيدەنت جارلىعى كونستيتۋتسيياعا ەنگٸزٸلەتٸن تٷزەتۋلەردٸڭ نىسانى مەن مەتٸنٸن ۇسىنادى. ازاماتتار ٶز شەشٸمدەرٸن شىعارادى. ولار «يە» نەمەسە «جوق» دەپ داۋىس بەرە الادى. بيۋللەتەن فورماسىندا «يە» نەمەسە «جوق» دەگەن قىسقا جاۋاپتار عانا بولادى. تٷزەتۋلەر مەتٸنٸ ەلٸمٸزدٸڭ بارلىق ازاماتتارىنا جەتكٸزٸلۋٸ تيٸس. بٸز ولارمەن تانىسىپ, سودان كەيٸن رەفەرەندۋمدا تيٸستٸ شەشٸم قابىلداۋىمىز كەرەك», - دەپ تٷسٸندٸردٸ دەپۋتات مەجٸلٸس وتىرىسىنان كەيٸن تٸلشٸلەرگە.
مەجٸلٸس دەپۋتاتىنىڭ ايتۋىنشا, حالىق رەفەرەندۋمعا ٷلكەن قىزىعۋشىلىق تانىتادى.
«رەفەرەندۋمنىڭ شەشٸمٸ زاڭدى, ٶيتكەنٸ ول تيٸستٸ زاڭدا سولاي جازىلعان. بٸز ەلەۋمەتتٸك جەلٸلەردە كٶرٸپ وتىرعان ۇسىنىستار مەن بەلسەندٸلٸككە قاراساق, كونستيتۋتسيياعا تٷزەتۋلەر ەنگٸزۋ مەسەلەسٸ قوعامىمىزدىڭ كٶپتەگەن ازاماتتارىن تولعاندىرادى. سوندىقتان, قىزىعۋشىلىق ٷلكەن بولادى دەپ ويلايمىن», - دەدٸ ا.قوجاحمەتوۆ.
دەپۋتات بۇل تٷزەتۋلەردە ەلباسى مەرتەبەسٸ تۋرالى جەنە تۇڭعىش پرەزيدەنتتٸڭ تەۋەلسٸز قازاقستان مەملەكەتٸنٸڭ نەگٸزٸن قالاۋشى ەكەندٸگٸ تۋرالى سٶزدەر الىنىپ تاستالاتىنىن ەسكە سالدى.
سونىمەن بٸرگە, تٸلشٸلەر «تۇڭعىش پرەزيدەنت – ەلباسى تۋرالى» زاڭنىڭ كٷشٸن جويۋى مٷمكٸن بە دەگەن سۇراق قويدى.
«يە دەپ ويلايمىز, قۇجاتتار پاكەتٸندە قاراستىرىلعان. بٸراق شەشٸمدٸ تۇرعىندار رەفەرەندۋمدا قابىلدايدى. ەگەر بۇل ٷشٸن قوعام داۋىس بەرسە, تيٸسٸنشە, مۇنداي شەشٸم ودان ەرٸ قابىلداناتىن بولادى», - دەدٸ ارمان قوجاحمەتوۆ.
ونىڭ ايتۋىنشا, پرەزيدەنتتٸڭ كونستيتۋتسيياعا ۇسىنىستار دايىنداۋ جٶنٸندەگٸ جۇمىس توبىن قۇرۋ تاپسىرماسىنان كەيٸن مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸ رەفەرەندۋم مەسەلەلەرٸن رەتتەيتٸن قولدانىستاعى زاڭنامانى قولعا الدى.
«رەسپۋبليكالىق رەفەرەندۋم تۋرالى زاڭنىڭ 28-بابى بويىنشا جۇمىستى باستادىق. بٸز بيۋللەتەننٸڭ فورماسىن سۇرادىق جەنە كەيٸن داۋىس ساناۋ كەزٸندە قيىندىقتار تۋىنداۋى مٷمكٸن ەكەنٸن كٶردٸك. سوندىقتان وسىنداي تٷزەتۋ بولدى, ياعني بۇل بٸزدٸڭ دەپۋتاتتارىمىزدىڭ, بٸزدٸڭ كوميتەتتٸڭ باستاماشىل زاڭ جوباسى. ولار تيٸستٸ تٷزەتۋلەر جاساپ, پارلامەنت مەجٸلٸسٸنە ۇسىندى», - دەدٸ دەپۋتات.
