مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋى - ەلٸمٸزدٸڭ سان سالاسىنداعى قوردالانعان مەسەلەلەردٸ شەشۋدٸڭ باعىتىن ايقىنداعان تىڭ باعدارلامالىق قۇجات بولدى. قر مەدەنيەت جەنە سپورت مينيسترٸ اقتوتى رايىمقۇلوۆا وسىنداي پٸكٸر بٸلدٸردٸ, دەپ حابارلايدى "ۇلت اقپارات".
«پرەزيدەنت جولداۋىن مەدەنيەت سالاسىنىڭ قىزمەتكەرلەرٸ ەرەكشە ىقىلاسپەن قابىلدادى. قاسىم-جومارت كەمەلۇلىنىڭ مەدەنيەت قىزمەتكەرلەرٸنە مەملەكەت تاراپىنان ساليقالى قولداۋ كٶرسەتۋ تۋرالى تاسىرماسى ەل رۋحانيياتىنىڭ جاڭا دەڭگەيگە كٶتەرٸلۋٸنە تىڭ سەرپٸن بەرەرٸ انىق.
مەملەكەت باسشىسى «بٸز مەدەنيەت سالاسىندا جۇمىس ٸستەيتٸن ازاماتتارعا جەتكٸلٸكتٸ تٷردە كٶڭٸل بٶلمەي وتىرمىز. بۇل - ەڭ الدىمەن, كٸتاپحانا, مۋزەي, تەاتر قىزمەتكەرلەرٸنە قاتىستى مەسەلە. ولاردىڭ ەڭبەكاقىسى سوڭعى جىلدارى مٷلدە كٶبەيگەن جوق. سونىڭ سالدارىنان مەدەنيەت قىزمەتكەرلەرٸ, ەسٸرەسە جاس ماماندار جەڭٸلدٸگٸ بار تۇرعىن ٷي باعدارلامالارىنا قاتىسا المايدى. مۇنداي احۋال وسى كەسٸپتٸڭ بەدەلٸن تٷسٸرٸپ, لايىقتى كادرلاردىڭ تاپشىلىعى ايقىن سەزٸلۋدە» دەپ اتاپ كٶرسەتتٸ, دەپ جازدى اقتوتى رايىمقۇلوۆا Facebook-تەگٸ پاراقشاسىندا.
«جولداۋدا ايتىلعانداي, پرەزيدەنت تاپسىرماسىمەن كەلەسٸ جىلى ٷكٸمەت تاراپىنان مەدەنيەت قىزمەتكەرلەرٸنٸڭ ەڭبەكاقىسىن كٶتەرۋ كٶزدەلٸپ وتىر. سونىمەن قاتار, مەدەنيەت سالاسىنىڭ قىزمەتكەرلەرٸنە بٸلٸم بەرۋ جەنە دەنساۋلىق ساقتاۋ سالالارىنداعى ەلەۋمەتتٸك جەڭٸلدٸكتەر بەرٸلۋٸ قاراستىرىلاتىن بولادى.
سونداي-اق, مەملەكەت باسشىسى بارلىق جاستاعى ازاماتتاردى بۇقارالىق سپورتقا تارتۋ ارقىلى ۇلت دەنساۋلىعىن نىعايتۋ مەسەلەسٸنە دە نازار اۋدارۋدى تاپسىردى. «سپورت ينفراقۇرىلىمى بالالارعا بارىنشا قولجەتٸمدٸ بولۋىن قامتاماسىز ەتۋ قاجەت. بۇقارالىق دەنە شىنىقتىرۋدى ٶركەندەتۋ ٸسٸ جاڭا چەمپيوندار شىعاتىن پيراميداعا اينالۋى تيٸس. بۇل سالاۋاتتى ەرٸ بەلسەندٸ جاستاردىڭ, تٷپتەپ كەلگەندە, قۋاتتى ۇلتتىڭ نەگٸزٸن قالىپتاستىرادى. وسى باعداردى زاڭنامالىق تۇرعىدان قامتاماسىز ەتۋ, بۇقارالىق سپورتتى دامىتۋدىڭ كەشەندٸ جوسپارىن قابىلداۋ قاجەت. 2020 جىل ۆولونتيور جىلى دەپ جارييالاندى. ەرٸكتٸلەر قىزمەتٸنە ازاماتتاردىڭ, ەسٸرەسە جاستاردىڭ, ستۋدەنتتەر مەن وقۋشىلاردىڭ قاتىسۋ اياسىن كەڭەيتۋ, ولاردىڭ بويىندا بەلسەندٸ ٶمٸرلٸك ۇستانىم داعدىسىن قالىپتاستىرۋ - ٶزەكتٸ مٸندەت. بۇل - ازاماتتىق قوعامدى نىعايتۋ جٶنٸندەگٸ جۇمىسىمىزدىڭ ماڭىزدى قۇرامداس بٶلٸگٸ» دەپ اتاپ كٶرسەتتٸ ق. توقاەۆ.
جولداۋدا ەكونوميكانىڭ ماڭىزدى سالاسى رەتٸندە تۋريزمنٸڭ, ەسٸرەسە ەكو جەنە ەتنوتۋريزمنٸڭ دامۋىنا باسا نازار اۋدارۋ كەرەك ەكەنٸن اتاپ ٶتتٸ. تۋريزمدٸ دامىتۋ ٷشٸن قاجەتتٸ ينفراقۇرىلىمداردى جٷرگٸزۋدٸ, سونىڭ ٸشٸندە جول سالۋ, بٸلٸكتٸ مامانداردى دايىنداۋدى قامتاماسىز ەتۋ قاجەتتٸگٸ باسا ايتىلدى.
كەلەسٸ جىلى ەل-فارابي مەن اباي قۇنانباەۆ تەرٸزدٸ ۇلى تۇلعالاردىڭ مەرەيتويلارىن اتاپ ٶتۋ جوسپارلانىپ وتىر. وعان دايىندىق جۇمىستارىنىڭ باستالىپ كەتكەنٸن بٸلەسٸزدەر. مەملەكەت باسشىسى تويلاعان كەزدە ىسىراپقا جول بەرمەي, عۇلامالاردىڭ ەڭبەكتەرٸن حالىققا كەڭٸنەن تاراتۋعا شاقىردى. سونداي-اق, قازاقستان رەسپۋبليكاسىنىڭ تەۋەلسٸزدٸگٸنٸڭ 30 جىلدىعى جاقىنداپ قالدى. پرەزيدەنت ەلٸمٸزدٸڭ جاس ۇرپاعىنىڭ بويىندا پاتريوتيزمدٸ قالىپتاستىرۋدا مەنٸ زور مەرەكەگە لايىقتى دايىندالۋدىڭ ماڭىزى زور ەكەنٸن اتاپ ٶتتٸ.
مەملەكەت باسشىسى جولداۋدا اتاپ ٶتكەنٸندەي, ەلٸمٸز رەفورمالاۋدىڭ جاڭا كەزەڭٸنە اياق باستى. الدىمىزدا قىزىقتى جەنە جاۋاپتى ٸستەر كٶپ, دوستار. ەلٸمٸزدٸڭ پرەزيدەنتٸ جولداۋدا ايتقان تاپسىرمالاردى جٷزەگە اسىرىپ, ساپالى نەتيجەگە جۇمىس ٸستەيمٸز»,-دەپ اتاپ ٶتكەن مەدەنيەت جەنە سپورت مينيسترٸ.
