قر مەدەنيەت جەنە سپورت مينيسترٸ اقتوتى رايىمقۇلوۆا يۋنەسكو-نىڭ اتقارۋشى ديرەكتورى ودرە ازۋلەنٸڭ شاقىرۋىمەن مەدەنيەت مينيسترلەرٸنٸڭ فورۋمىنا قاتىستى. پاريجدەگٸ ۇيىمنىڭ شتاب-پەتەرٸندە ٶتٸپ جاتقان ٸس-شاراعا 150 مەملەكەتتٸڭ مينيسترٸ جينالدى, دەپ حابارلايدى "ۇلت اقپارات".
«قوعامدىق مەدەنيەت ەلەۋمەتتٸك جەنە قالا ٶزگەرٸسٸنٸڭ قوزعاۋشى كٷشٸ» اتتى سەسسيياعا قاتىسقان مينيستر ەلٸمٸزدەگٸ مەدەنيەت سالاسىنىڭ ماڭىزدى باعىتتارى مەن ەلباسى نۇرسۇلتان نازارباەۆتىڭ «رۋحاني جاڭعىرۋ» باعدارلامالىق ماقالاسى جەنە پرەزيدەنت قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» جولداۋى اياسىندا اتالعان سالا بويىنشا اتقارىلىپ جاتقان جۇمىستارمەن تانىستىردى», - دەپ اتاپ ٶتتٸ مەدەنيەت مينيسترلٸگٸنٸڭ باسپاسٶز قىزمەتٸنەن.
سونىمەن قاتار, ۆەدومستۆو باسشىسى ەلٸمٸزدە بۇۇ-نىڭ تۇجىرىمداماسىنا ساي تۋريزمدٸ دامىتۋ, رۋحاني قۇندىلىقتاردى ناسيحاتتاۋ جەنە تاريحي ەسكەرتكٸشتەردٸ قورعاۋ بويىنشا جٷرگٸزٸلٸپ جاتقان جٷيەلٸ جۇمىستار تۋرالى ايتتى.
سٶز سوڭىندا اقتوتى رايىمقۇلوۆا يۋنەسكو-عا مٷشە ەلدەردٸ ۇلى ابايدىڭ 175 جىلدىعى مەن «ەكٸنشٸ ۇستاز» اتانعان ەل-فارابيدٸڭ 1150 جىلدىق مەرەيتويى قارساڭىندا ٶتەتٸن مەدەني, عىلىمي-تانىمدىق ٸس-شارالارعا بەلسەنە قاتىسۋعا شاقىردى.
ال يۋنەسكو اتقارۋشى ديرەكتورى ودرە ازۋلەمەن كەزدەسۋ بارىسىندا مينيستر قازاقستان مەن ۇيىم اراسىنداعى مەدەنيەت جەنە سپورت سالاسىنداعى ماڭىزدى مەسەلەلەر مەن ەرٸپتەستٸك جايىن تالقىلادى. كەلٸسسٶز بارىسىندا جاقىندا عانا الماتىدا قۇرىلاتىنى بەلگٸلٸ بولعان حالىقارالىق مەدەني بايلانىستار ورتالىعىنىڭ العاشقى جوباسى مەن تٷركٸستان قالاسىنىڭ دامۋ جوسپارىمەن بٶلٸستٸ. مينيستر تٷركٸ ەلەمٸنٸڭ ورتالىعى سانالاتىن تٷركٸستاندى دامىتۋ جەنە قوجا احمەت ياساۋي كەسەنەسٸن قورعاۋ ەڭ جوعارى حالىقارالىق تالاپتارعا ساي جٷرگٸزٸلەتٸنٸن اتاپ ٶتتٸ.
سونداي-اق, اقتوتى رايىمقۇلوۆا فورۋم اياسىندا ٶتكٸزٸلگەن بٸرنەشە ٸس-شاراعا قاتىستى. ولاردىڭ بٸرٸ - «ينديگو بوياۋىنىڭ ٸزٸمەن» اتتى حالىقارالىق كٶرمەدە ايجان بەكقۇلوۆا مەن تامارا كەپقىزىنىڭ كيٸز باسۋ ٶنەرٸ كەڭٸنەن تانىستىرىلدى.
