مەدەنيەت جەنە سپورت مينيسترٸ اقتوتى رايىمقۇلوۆا ەلەمگە ەيگٸلٸ كينورەجيسسەر تيمۋر بەكمامبەتوۆتٸڭ ٶزبەكستاننىڭ تۋريزم ەلشٸسٸ بولۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتٸپ جاتقان بريفينگٸدە مەدەنيەت جەنە سپورت مينيسترٸنە تيمۋر بەكمامبەتوۆتٸ ەل تۋريزمٸن ناسيحاتتاۋعا نەگە تارتىلماعانى تۋرالى ساۋال قويىلدى.
«كٶرشٸمٸز ٶزبەكستاننىڭ ونى تۋريزم ەلشٸسٸ رەتٸندە ەرٸپتەستٸككە تارتۋىن قۋانا قابىلدادىق. تيمۋر بەكمامبەتوۆ عالامدىق تۇلعا ەكەنٸن بٸلەسٸزدەر. ونىڭ جوبالارى ەلەمنٸڭ تٷرلٸ ەلدەرٸندە ٸسكە اسىپ جاتىر. ونىڭ ٸشٸندە بٸزدٸڭ ەلدە دە جوبالارى قاراستىرىلعان بولاتىن. تۋريزم ەلشٸلەرٸنە قاتىستى ايتسام, بٷگٸندە قازاقستاننىڭ تۋريزم ەلشٸسٸ بولىپ جٷرگەن تانىمال تۇلعالار بارشىلىق. ديماش قۇدايبەرگەن مەن سامال ەسلياموۆا دا بار. ەرينە, تيمۋر بەكمامبەتوۆتٸ دە قاراستىرعان بولاتىنبىز. بٸراق پاندەميياعا بايلانىستى جەنە باسقا دا سەبەپتەرمەن ونىڭ ەلٸمٸزگە كەلەتٸن مٷمكٸندٸگٸ بولعان جوق», - دەدٸ اقتوتى رايىمقۇلوۆا.
مينيستردٸڭ مەلٸمەتٸ بويىنشا, كەلەشەكتە ەلٸمٸزدە تيمۋر بەكمامبەتوۆ اتسالىساتىن كينوجوبالار ٸسكە اسۋى مٷمكٸن.
«تيمۋر بەكمامبەتوۆپەن بٸرگە جوسپارلانعان كينەموتاگرافييالىق جوبالارىمىز بار. ونىڭ تاراپىنان ٶز دايىنداعان ستسەنارييلەرٸن ٸسكە اسىرۋ بويىنشا ۇسىنىس بار. ونىڭ بٸزدٸڭ ەلدٸڭ دە تۋريزم ەلشٸسٸ بولۋىن قاراستىرامىز. بٸز ول وتانداسىمىزدى ماقتان تۇتامىز. تۋريزم ەلشٸسٸن تاعايىنداۋدىڭ قاتىپ قالعان رەگلامەنتٸ جوق. بٸر ەلدٸڭ اتىنان عانا سالا ەلشٸسٸ بولۋ كەرەك دەگەن تالاپ قويىلمايدى. سوندىقتان بۇل باعىتتا جۇمىس ٸستەيمٸز. ٶكٸنٸشكە قاراي, پاندەمييا كٶپتەگەن جوبالاردى, سونىڭ ٸشٸندە تيمۋر بەكمامبەتوۆتٸڭ قاتىسۋىمەن ٶتەتٸن جوسپارلاردىڭ مەرزٸمٸن شەگەرۋٸمٸزگە مەجبٷر بولىپ وتىرمىز», - دەدٸ اقتوتى رايىمقۇلوۆا.
