Cاياساتتىڭ باسى – تٸل. ونسىز ۇلت جوق, دەمەك ۇلتتىق رۋح جوق, ولاي بولسا مەملەكەتتٸڭ ٶزٸ جوق. قازاق تٸلٸ مەملەكەتتٸك مەرتەبەگە يە بولعالى 27 جىلدان استى. سٶز جٷزٸندە. ٸس جٷزٸندە ورىس تٸلٸنٸڭ تاساسىندا قالىپ كەلەدٸ.
بيلٸك جۇمىسى مەن وتىرىستارىنىڭ 95 پايىزى ورىسشا جٷرگٸزٸلەدٸ, مەملەكەتتٸك مەكەمەلەرگە قازاقشا بٸلمەي جۇمىسقا تۇرۋ وپ-وڭاي, ورىس تٸلٸنسٸز مٷمكٸن ەمەس. قوعامدىق ورىندار – حالىققا قىزمەت ورتالىقتارى, بانكتەر, دٷكەندەر, كينوتەاترلار, قوعامدىق كٶلٸك - 95 پايىزى ورىسشا. كٶشەلەردەگٸ حابارلامالاردى قاراڭىز, 95 پايىزى قايتا ورىسشا. تەلەديداردى قوسساڭىز دا, راديونى تىڭداساڭىز دا سول جاعداي - 95 پايىزى ورىس تٸلٸندە دە, قالعانى ارالاس. راس, باسقا دا ۇلىستاردى كەمسٸتپەۋ كەرەك دەگەن سٶز جيٸ ايتىلادى.
بٸراق, بٸرٸنشٸدەن, قازاق تٸلٸ تەك قازاقتىڭ عانا ەمەس, سول ۇلىستار تۇراتىن مەملەكەتتٸڭ تٸلٸ. ەكٸنشٸدەن, سوراقىسى سول, اتالعان قوعامدىق ورىنداردا جٷرگەننٸڭ 95 پايىزى قازاق. وسىنداي باسسىزدىق پەن نامىسسىزدىققا كٸم جاۋاپ بەرەدٸ? ٶز مەملەكەتٸنٸڭ تٸلٸن قۇرمەتتەمەگەن لاۋازىم يەلەرٸنەن نە يگٸلٸك كٷتۋگە بولادى? بٶگدە ەلدٸڭ مٷددەسٸن ٶز حالقىنان جوعارى قويعاندار نەلٸكتەن جوعارى مانساپتاردا وتىرۋ كەرەك?
الايدا كٸنە ٶزٸمٸزدەن دە بار. قازاق تٸلٸن ٶزٸمٸز نەگە دەرٸپتەمەيمٸز? تٸل زاڭىنىڭ ورىندالۋىن نەگە تالاپ ەتٸپ, سوتقا بەرمەيمٸز? باسقالار بىلاي تۇرسىن, ٶزارا نەگە انا تٸلٸمٸزدە سٶيلەسٸپ جازىسپايمىز? ٶز اتتارىمىزدا –وۆ, -ين, -يچ سىقىلدى وتارلىق جالعاۋلاردان قاشان ارىلامىز? رەسەيدٸڭ گۋبەرنيياسى ەمەس, بۇل ٶر دە ازات قازاقتىڭ ەلٸ ەكەنٸن نەگە كٶرسەتپەيمٸز?
